3 qarashada Chempıondar Lıgasynyń toptyq kezeńi aıasynda elordalyq «Astana» klýby óz alańynda ıspandyq «Atletıko Madrıd» quramasyn qabyldaıdy. Bul týraly «Qamshy» portaly Baq.kz-ke silteme jasap habarlaıdy.

Elordalyq fýtbolshylardy qoldaý úshin 20 myńnan asa jankúıer jınalmaq. Óıtkeni 29 qazandaǵy jaǵdaı boıynsha ticketon.kz saıty arqyly 20 myńǵa jýyq bılet satyp alynǵan. Al, 30 qazannan bastap bıletterdi qalanyń barlyq kasalarynan satyp alýǵa bolady. Fýtbol jankúıerleri «Astana» oıynshylaryna qoldaý kórsetý úshin erekshe aksıa uıymdastyrýda. Barlyq stadıon án oryndaıdy, kez-kelgen adam ándi supportastana.kz saıtynda daýys berý arqyly tańdaı alady. Sondaı-aq, baıqaýda úzdik aıqaılaýshy saıysy uıymdastyrylady. Baıqaýǵa ótinish 1 qarasha, saǵat 22:00 deıin qabyldanady. Nátıjesi 2 qarasha kúni belgili bolady.

Kórermender men jankúıerler stadıonda «Astana» fýtbol klýbynyń atrıbýttary men jankúıerlerine arnalǵan paıdaly zattardy ala alady. Sonymen qatar stadıonǵa № 10, 12, 27, 4, 43, 51, 55 qoǵamdyq kólikter arqyly jetýge bolady. Esterińizge sala keteıik, atalǵan oıyn «Astana Arena» stadıonynda saǵat 21:00-de bastalady.