Sınoptıkter aldaǵy demalys kúnderine arnalǵan aýa raıy boljamyn jarıalady. Bul týraly «Qamshy» tengrinews.kz-ke silteme jasap habarlaıdy.

Sınoptıkterdiń málimetinshe, 31 qazan men 2 qarasha aralyǵynda aýa raıy jaýyn-shashyndy, tumandy, jeldi bolady. Sondaı-aq elimizdiń birqatar oblystarynda kóktaıǵaq bolýy múmkin.

– Respýblıkanyń ońtústik jáne ońtústik-shyǵysyndaǵy keı aýdandarda jańbyr jaýady. Antısıklonǵa baılanysty aýa temperatýrasy tómendeıdi dep kútilip otyr: túnde respýblıkanyń batys, soltústik jáne ortalyǵynda 5-10, keı jerlerde 13 gradýs, kúndiz 0-8 gradýs sýyq bolady, – dep habarlady sınoptıkter.

Aıta keteıik, qalǵan aýmaqta túnde 0-5, keı jerlerde 10 gradýs sýyq bolady, kúndiz  0-5 gradýs jyly, shyǵysta 0-5 gradýs sýyq bolady.