Almaty qalasynyń ákimi Baýyrjan Baıbek tramvaı deposynyń jumysyn ýaqytsha toqtatý týraly sheshim qabyldaǵannan soń, máseleniń mán-jaıyn jurtshylyqqa túsindirý maqsatynda «Almatyelektrkóligi» JSHS-da baspasóz ókilderine arnalǵan brıfıń ótti. Brıfıńte kompanıa basshylyǵy depony birjola jabý máselesi qoıylyp otyrmaǵanyn aıtty. Bul týraly «Qamshy» portaly Tengrinews.kz-ke silteme jasap habarlaıdy.
Kompanıa basshysy Tóreáli Tólegenovtiń aıtýynsha, sońǵy ýaqytta oryn alǵan jol apattarynan soń depo jumysy, tramvaı joldary keshendi tekseristen ótken. Sol tekseris qorytyndysy boıynsha, tramvaı joldarynyń ahýalyna baılanysty birqatar kemshilikter anyqtalǵan.
Qalalyq ákimdik ókili, kólik basqarmasy bastyǵynyń orynbasary Erlan Ádilov bolsa, jaqyn kúnderi tramvaı kóligin paıdalanýdyń budan ári qaraıǵy mańyzy bar ma degen máseleniń qaralatynyn aıtty. Bul rette ekonomıkalyq máselelermen qatar, turǵyndardyń da pikir, usynystary eskerilmek.
