«Qaırat» fýtbol klýbynyń týyn aıaqqa basyp túsken sýreti úshin Ms Saılaýbek klýb oıynshylary men jankúıerlerinen keshirim surady. Bul týraly «Qamshy» portaly Vesti.kz-ke silteme jasap habarlaıdy.
Ol óziniń ınstagrammdaǵy paraqshasynda: "Qurmetti Qaırat fýtbol komandasy @f.c.kairat jáne onyń jankúıerleri! Aqtóbe fýtbol komandasy "Qaırattan" jeńilgen soń meniń astyma týdy ádeıi laqtyrdy, adam kóp bolǵan soń, ajıotaj bolǵan kezde astymda ne jatqanyn baıqaǵan joqpyn! Durys túsinińizder! Keshirim suraımyn!", - dep jazdy.
Esterińizde bolsa, ǵalamtorda Aqtóbede ótken «Qaırat» pen «Aqtóbe» klýbtary arasyndaǵy oıyndy tamashalaýǵa kelgen «ánshi» Ms Saılaýbektiń stadıonda «Qaırat» klýbynyń týyn aıaǵyna basyp turyp túsken sýreti jarıalanǵan bolatyn.
Alaıda, Ms Saılaýbektiń bul «keshirim suraýy» óz aıybyn shynaıy túsinip, ókingendikten góri, oılanbaı jasalǵan ospadar qylyǵyn ońaı jýyp-shaıa salý nıetine kóp uqsaıtyn sıaqty.