Búgin Parlament Joǵary palatasy Senatta QR-y Ulttyq banki tóraǵasynyń kandıdatýrasy qaralady. Bul týraly «Qamshy» portaly zakon.kz-ke silteme jasap habarlaıdy.
Joǵary palatanyń baspasóz qyzmeti taratqan habarlamada Senat depýtattary plenarlyq otyrysta Ulttyq bank tóraǵasynyń kandıdatýrasyna kelisim beretini aıtylǵan. Biraq, senatorlarǵa jańa kandıdat usynylatyny, nemese qazirgi tóraǵanyń ókilettiligin sozý máselesi qarastyrylatyny naqtylanbaǵan.
Ulttyq banktiń qazirgi tóraǵasy Qaırat Kelimbetov bul laýazymǵa 2013 jylǵy 1 qazanda taǵaıyndalǵan bolatyn. «QR-y Ulttyq banki týraly» Zańǵa sáıkes bas bank tóraǵasyn Prezıdent Senat depýtattarynyń kelisimin ala otyryp, 6 jyl merzimge taǵaıyndaıdy.
