20 jastaǵy Kókshetaý qalasynyń turǵyny ózin órtep jibergen. Oqıǵa kýágerleriniń aıtýynsha, mundaı áreketke bozbala azamattyq nekedegi ıelimen bolǵan janjaldan soń barǵan. Bul týraly «Qamshy» portaly Aqmola oblystyq İİD-i baspasóz qyzmetine silteme jasap habarlaıdy.
Denesin İ dárejedegi kúıik shalǵan azamat oblystyq aýrýhanaǵa jetkizilgen. Dárigerlerge bolǵan oqıǵanyń sebebi týraly túsinik berýden bas tartqan.
Alaıda, oqıǵanyń qalaı bolǵanyn jigittiń otbasy músheleri aıtyp bergen. Órtengen jigittiń azamattyq nekedegi áıeli bolǵan. Týystarynyń aıtýynsha olardyń arasynda jıi janjaldar bolyp turǵan. 1 qarasha kúni ol óziniń azamattyq nekedegi áıeliniń jumysyna kelip, sol jerde taǵy da urys-keris bolǵan. Janjal barysynda ol áıeline ózin órteıtinin aıtyp ketip qalǵan.
Shoshynǵan áıeli dereý jigittiń ata-anasyna habarlasyp, barlyǵy úıge kelgende, ústine benzın quıyp alyp otyrǵan jigitti kóredi. Ol janyna eshkimdi jaqyndatpaı kóshege júgirip shyǵyp, ústine ot qoıyp jibergen. Týystary órtengen jigitti ustap alyp, otty óshirip jedel járdem kóligin shaqyrǵan.
Polısıa qyzmetkerleri óz-ózin órteýge árekettengen jigittiń buryn mundaı qylyq tanytpaǵanyn, eshqandaı tirkeýde turmaǵanyn, otbasy músheleriniń barlyǵy turaqty jumys isteıtinin aıtqan.
