Memleket basshysy Nursultan Nazarbaev Parlament Senatynan Ulttyq bank tóraǵalyǵyna Danıar Aqyshevti taǵaıyndaýǵa kelisim berýdi surady. Bul týraly «Qamshy» portaly habarlaıdy.
Joǵary palatanyń plenarlyq otyrysyna QR-y Prezıdent ákimshiliginiń jetekshisi Nurlan Nyǵmatýllın qatysqan. Elbasy Senatqa úndeýinde «Búginde Bankke jáne ulttyq valútaǵa senim kemip otyr. Mundaı tómengi kórsetkishterdi joıý baǵytynda jumys isteý kerek. Aqyshevtiń bilimi men tájirıbesi oǵan osy tapsyrmalardy oryndaýǵa múmkindik beredi dep senemin» degen.
Senat depýtattary Danıar Aqyshevtiń kandıdatýrasyna kelisimderin berdi.
Danıar Aqyshev 1976 jyly Almaty qalasynda týǵan. Qazaq memlekettik basqarý akademıasynyń túlegi. Ár jyldary Ortalyq Azıa qor bırjasynda ekonomıs bolyp jumys istegen. 2007-2014 jyldar aralyǵynda QR-y Ulttyq banki tóraǵasynyń orynbasary mindetin atqarǵan. Keıin Prezıdent ákimshiliginde áleýmettik-ekonomıkalyq monıtorıń bóliminiń meńgerýshisi, Prezıdent kómekshisi laýazymdaryn atqarǵan.
