Shymkent qalasyna olımpıada chempıondary Serik Sápıev pen Aleksandr Vınokýrov kelip, jastarmen kezdesti. Bul týraly «Qamshy» portaly «Qazaqstan-SHymkent» telearnasyna silteme jasap habarlaıdy.
№2 jeńil atletıka men velosıped sporty mektebiniń jas sportshylarymen ótken kezdesýde shahar basshysy Aleksandr Vınokýrovqa "Qazaq handyǵynyń 550 jyldyǵy" kórkem kartınasyn syılady. Al, olımpıada chempıony bolsa, jaýap retinde Ǵabıdolla Rahmetollaulyna baǵaly velosıped tartý etti. Sonymen qatar, Olımpıada chempıony atalǵan mektep ujymyna «Vino» brendiniń kásibı sporttyq velosıpedin syılap, jas talapkerlerdiń alańsyz jattyǵýyna múmkindik týǵyzdy.
Óz sózinde shahar basshysy Ǵabıdolla Ábdirahymov budan keıin jumysqa osy velosıpedpen baratynyn málimdedi. Bul árıne jaǵymdy jańalyq. Óıtkeni elimizdegi ákimderdiń jumysqa velosıpedpen barýy qubylys bolyp sanalady. Sondyqtan da Ǵabıdolla Rahmetollaulynyń sózinde turar, turmasy belgisiz.
