Ulybrıtanıanyń Halyqaralyq EXPO-2017 kórmesine qatysatyny týraly memorandýmǵa Elbasy Nursultan Nazarbaevtyń Ulybrıtanıa jáne Soltústik Irlandıa Birikken koróldigine sapary barysynda qol qoıylmaq. Bul týraly «Qamshy» portaly habarlaıdy.
Eki jaqty qujatqa Qazaqstan tarapynan «Astana EXPO-2017» ulttyq kompanıasynyń basqarma tóraǵasy A. Esimov, Ulybrıtanıa tarapynan Ulttyq seksıa komısary Ch. Hendrı qol qoıady. Buǵan deıin tumandy Albıon eli Qazaqstanda ótetin Halyqaralyq kórmege qatysatynyn ústimizdegi jyldyń qyrkúıek aıynda málimdegen bolatyn. Sonymen qatar, atalǵan eldiń saýda jáne ınvestısıalar jónindegi mınıstri Frensıs Mod Astanadaǵy kórme alańyndaǵy qurylys jumysymen tanysqan edi.
Bilál Qýanysh
London
