Elbasy Nursultan Nazarbaevtyń Ulybrıtanıa jáne Soltústik Irlandıa Birikken koróldigine búgin bastalatyn resmı sapary barasynda birqatar mańyzdy qujattarǵa qol qoıylmaq. Bul týraly «Qamshy» portaly habarlaıdy.
Resmı sapardyń alǵashqy kúni, ıaǵnı 3 qarashada Qazaqstan Respýblıkasy men Ulybrıtanıa jáne Soltústik Irlandıa Birikken koróldigi arasyndaǵy ózara quqyqtyq kómek týraly kelisimge, QR-y Memlekettik qyzmet isteri jáne jemqorlyqqa qarsy is-qımyl jónindegi Agenttigi men Ulybrıtanıa mınıstrler keńesi Hatshylyǵy arasyndaǵy ózara túsinistik týraly Memorandýmǵa, Ulybrıtanıanyń Astanada ótetin EKSPO-2017 Halyqaralyq kórmesine qatysýy týraly kelisimge, elimizdiń Ulttyq banki men TheCityUK korporasıasy jáne Eýropa damý jáne qaıta qurý banki arasyndaǵy «Astana» Halyqaralyq qarjy ortalyǵyn qurý men damytý boıynsha áriptestik týraly, «QazTransGaz» AQ-y men QR-da gazqubyry men tórt gaztrýbınalyq elektrstansıasyn salýshy táýelsiz energetıkalyq korporasıanyń áriptestigi, Kompanıeı William Hare Limited, «Inergazstroı»AQ jáne «Atyraýneftemash» JSHS arasyndaǵy ózara túsinistik týraly úsh jaqty memorandýmdarǵa, saýda—ekonomıkalyq, ǵylymı-tehnıkalyq jáne mádenı-áleýmettik áriptestik boıynsha Qazaq-brıtan úkimetaralyq komısıasy 2-otyrysynyń Hattamasyna qol qoıylady dep josparlanýda.
Bul qujattar negizinde júzege asatyn jumystardyń jalpy somasy 3,8 mıllıard AQSH dollaryn quraıdy.
Bilál Qýanysh
London
