"Tań" telearadıokompanıasy ataýy men formatyn ózgertedi, - dep habarlaıdy «Qamshy» portaly Tengrinews.kz-ke silteme jasap.

Kompanıanyń óz seriktesterine taratqan qujatyna sáıkes, 15 qarashadan bastap "Tań" telearnasy óz ataýyn "ON-TV" dep ózgertedi. Otandyq telearnanyń qaıta tirkeýge turýy týraly kýáligin QR Investısıalar jáne damý mınıstrliginiń Baılanys, aqparattandyrý jáne aqparat komıteti 2015 jyldyń 22 qyrkúıeginde bergen. 

Telearna redaksıasynyń ókilderi kompanıadaǵy ózgerister jaıly ázirshe pikir bildirmeı otyr. Alaıda, arna ataýyn arna formatynyń aýysýyna baılanysty ózgertip jatqany aıtylǵan.

Qazaqstannyń jeke telekompanıasy 1990 jyldyń jeltoqsanynda qurylyp, úsh aıdan keıin Almaty efırine shyqty. "Tań" medıatobynyń ıesi 2002 jyldyń 16 qyrkúıeginen beri otandyq kásipker Armanjan Baıtasov. 2014 jyldyń qyrkúıeginde "Tań" telearnasy respýblıkaǵa taratyla bastady.