31-shi arnada qazannyń jıyrma altynshy juldyzynda «AıTı-Molodes» atty jańa telehıkaıa bastaldy. Tusaýkeser óte sátti bolyp shyqty: serıaldyń birinshi bóliminiń kórsetkishi halyq arasynda 11,9% qurasa, jalpy reıtıń kórsetkishi 2,7. Almaty qalasynyń ózinde «AıTı-Molodes» telehıkaıasy halyq arasynda 22,5% paıyzyn jınap, reıtıń kórsetkishi 6,61 boldy!

         "AıTı-Molodes" hıkaıasynyń jelisi boıynsha Aıdar esimdi AQSH-ta “Bolashaq” baǵdarlamasy arqyly MIT mamandyǵyn bitirip kelegen jigit týraly bolmaq. Aldyna úlken jospar qoıǵan basty keıipker, túrli ıdeıaǵa toly jobalardy oılap, shet eldegi Apple kompanıasynda jumys isteýdi armandaıdy. Alaıda, «Bolashaq» baǵdarlamasymen oqyp kelgen Aıdar, óz eline eki jyl qyzmet atqarýǵa tıis. Tańdaý quqyǵy qalmaǵan jigit, tipti Google Maps-tan tabylmaıtyn aýylǵa tap bolady.

          Basty keıipker oqıǵa jelisiniń damýy boıynsha aýyl turǵyndaryna zamanýı tehnologıanyń qajettiligin úıretip, jańa gadjettardy, kókeıkesti jobalardy oılap taýyp, aýylǵa ınvestorlardyń qyzyǵýshylyǵyn týdyrdy. Aıdar qazaq tilin úırenýge talpynyp, óziniń ulttyq erekshelikterin tanyp, tipti et jemeý ádetin tastap, ómirinde alǵash ret et jeı bastady.   

          Hıkaıanyń basty maqtanyshy tanymal, kásipqoı akterlerdiń birge bir sújette bas qosýy bolyp otyr. Týyndynyń juldyzy - Raýan Muratalıev, KVN quramasynyń múshesi Gúlnár Sılbaeva, belgili ázilkesh, akter Ábýnasyr Serikov syndy talantty óner ıeleri óz keıipkerlerin jaqsy somdap shyqty.

          Keıipkerdiń taǵdyry kóptegen túbegeıli ózgeristerge tap bolady. Úırenshikti turmys qalpyn ózgertip, óziniń súıiktisin kezdestiredi! Bizdiń keıipkerimiz qandaı ómirdi tańdaıdy? Shet elindegi tamasha mansap pa? Álde baqytty ári dýmandy aýyl ómiri me?

Sonymen, «AıTı-Molodes» telehıkaıasy 26-shy qazannan bastap 31 arnada saǵat 23.00-de!