Latvıanyń memlekettik til ortalyǵy el turǵyndaryna jumys oryndarynda tek latysh tilinde sóıleýdi talap etken úndeý jarıalady. Bul týraly «Qamshy» portaly inforesist.org–ge silteme jasap habarlaıdy.

Bul talap barlyq salanyń jumysshylaryna qatysy bar kórinedi. Ásirese, dúkender, qoǵamdyq kólikter men keńse, mekemeler syndy halyqqa qyzmet kórsetý oryndarynda tek memlekettik tilde til qatysýǵa asa qatty mán berilgen.

«Orys dıasporasy ókilderi ózara orys tilinde sóılesý arqyly latysh tiline qaýip tóndiredi jáne qurmetsizdik tanytady» delingen úndeýde.

Mundaı sheshim turǵyndar tarapynan kelgen aryz-shaǵymdar negizinde jasalǵan. Qoǵamdyq orynda, basqa adamdardyń arasyndaǵy ekeýara áńgime aınalasyna estiletin bolsa «resmı sıpat» alatyndyqtan, latyn tilinde bolýy kerek ekendigi úndeýde ashyq aıtylǵan.

«Qyzmetkerler óz qyzmettik mindetterin atqara otyryp ózara shet el tilinde sóılesýine jol berilmeýi kerek» deı kele, Ortalyq Latvıa – latysh tili damyp, keń taraı alatyn álemdegi jalǵyz el ekenin eske salǵan.

Úndeýge saı endi Latvıadaǵy uıym, mekeme basshylary óz baǵynyshtylary arasynda qyzmet babynda tek memlekettik tildi qoldaný týraly túsindirme jumystaryn júrgizýde.

PS.: Keshe ǵana KSRO shekpeninen shyqqan odaqtas eldiń bul batyl bastamasy ótkenniń elesinen álikúnge aryla almaı júrgen qazaqstandyqtarǵa oı salsa ıgi.

Darhan Muqan