Ótken aptadaǵy QR statısıka komıteti baspasóz qyzmetiniń habarlaýyna qaraǵanda Qazaqstanda azyq-túliktiń baǵasy byltyrǵy jyldyń qazan aıymen salystyrǵanda 8% - ǵa ósken.
Atap aıtar bolsaq jarma 24,8%, qant — 17,2%, balyq jáne teńiz ónimderi — 13,4%, jemis jáne kókónister —13,3%, suıyq maı, kofe, shaı jáne kakao — 12,2% - ǵa ósken. Sondaı-aq spırttik ishimdikter 11,4% - ǵa, nan-toqash jáne un ónimderininiń baǵasy - 10,9%-ǵa, kondıterlik ónimder - 10% -ǵa, nan - 9,7% -ǵa, makaron ónimderi - 6,2% -ǵa, sút ónimderi - 5,4% -ǵa, un - 4,7% -ǵa ósken. Sonymen birge, et jáne et ónimderi 1,7%-ǵa ósken. Shujyq ónimderiniń baǵasy 7,1%, sır eti —1,3%, jylqy eti —0,7%, al qus eti —5,5%, qoı eti— 0,5% ǵa tómendegen.
Alaıda agroalem.kz saıtynyń 2 qarashaǵy «taýar bırjasy ESJ» AQ habarlaǵan dándi daqyldar baǵasyna nazar salsaq. Bıdaıdyń baǵasy ótken jylydyń osy ýaqytymen salystyrǵanda negizinen ózgermegen, mysalǵa 3 kl EXW bıdaıdyń bir tonnasy 40000 teńgeniń aınalasynda satylǵan. Al Almaty oblysynyń eginshilerinen tildeskenimizde osy óńirde kóp egiletin soıa burshaqty ótken jylmen birdeı tonnasyn 75000 teńge kóleminde ótkizip jatyr eken. Al Ońtústikte maqtanyń klıogramy 100 teńgenden artyq saýdalanyp jatyr « bul óz kezeginde byltyrǵydan 40 teńgege qymbat bolǵanymen kirisimiz ótken jylmen birdeı bolyp tur» - deıdi biz habaralasqan Maqtaral aýdanynyń maqtashylary. Buǵan sebep bılyǵy jańyr maýsymynyń uzaqqa sozylýy eken. Sondyqtan maqtynyń sapasy men tusymy tómen, jylda 2-3 ret teriletin maqta bıyl bir ret qana terilgen. Al tiri mal bazarynda jylqynyń baǵasy negizinen baǵa turaqty, sır men qoılardyń baǵasy byltyrǵymen salystyrǵanda 30% - ǵa tómen eken, mysalǵa ótken aptada Almaty obylysy Kóksý bazarynda toqtylar 12000-15000 teńge aralyǵynda, qunajyndar 100000 teńgeniń aınalasynda saýdalanǵan.
Janar-jaǵarmaı men kúndelikti tutyný zattarynyń baǵasynyń óskenin eskersek, Qazaqstan halqynyń 40% - dan astamy turatyn aýyldyń negizgi kún kórisi bolǵan mal men egin bıyl paıdadan góri shyǵyna ákelip otyr. Al aýyldyqtar ózderi daıarlaıtyn shıkizattyń qymbattamaı, odan shyqqan ónimderidiń qymbattaǵanyna tańdanystaryn jasyrmaıdy. Ásirese otandyq ónimderdiń qymbattaýy erkin naryq pa, álde kásipkerlerdiń teńgeniń qunsyzdanýyn syltaýratyp qoldan jasap otyrǵan qymbatshylyq pa?
Álibek Ydyrys
