Keshe Beıbitshilik jáne kelisim saraıynda Qazaqstan halqy Assambleıasy Tóraǵasynyń orynbasary – Hatshylyq meńgerýshisi Eraly Toǵjanovtyń Bolgarıa Halyqtyq jınalysynyń (Parlament) tóraıymy Seska Sachevamen kezdesýi ótti.
Kezdesýge Mádenıet jáne sport vıse-mınıstri Ǵalym Ah­medárov, Qazaqstan halqy Assam­bleıasy Tóraǵasynyń orynbasary Oleg Dymov, Parlament Májilisi Áleýmettik-damý komıtetiniń tóraıymy Gúlnar Yqsanova jáne Parlament Májilisiniń depýtaty Natalá Kalashnıkova, Qazaqstan men Bolgarıanyń memlekettik organdarynyń ókilderi qatysty.
Bolgarıalyq delegasıamen kezdesý barysynda etnosaralyq tatýlyq pen qoǵamdyq kelisimniń qazaqstandyq úlgisi tanystyryldy. E.Toǵjanov sheteldik qo­naqtardy QHA-nyń qurylý tarı­hymen, konstıtýsıalyq márte­besimen tanystyryp, etnosaralyq tatýlyq pen qoǵamdyq kelisimdi nyǵaıtý boıynsha alda turǵan mindetter men júrgizilip jatqan jumystar, QHA-dan saılanǵan de­pý­tattardyń jumysy, halyq­aralyq yntymaqtastyq týraly biraz málimetterden habardar etti.
Kezdesý barysynda taraptar ekijaqty yntymaqtastyq máse­lelerin talqylap, Qazaqstan Res­pýb­lıkasynyń Mádenıet jáne sport mınıstrligi men Bolga­rıa Respýblıkasy Mádenıet mı­nıstrliginiń arasynda mádenıet salasyndaǵy yntymaqtastyq týraly kelisimge qol qoıyldy.
«Bolgarıa Respýblıkasy – bizdiń dástúrli áriptesimiz. Munyń aıǵaǵy retinde bolgar tarapynyń qazaqstandyq bastamalarǵa, sonyń ishinde Qazaqstannyń 2010 jyly Eýropadaǵy qaýipsizdik jáne yntymaqtastyq uıymyna tóraǵalyǵyna, Dúnıejúzilik saýda uıymyna ótýine, BUU Qaýipsizdik Keńesiniń 2017-2018 jyldarǵy turaqty emes músheligine já­ne As­tanada EKSPO-2017 halyq­aralyq kórmesin ótkizý tapsyrysyna qoldaý kórsetýin atap ótýge bolady», – dedi Ǵalym Ahmedárov.
Mádenıet salasyndaǵy yn­tymaqtastyq týraly kelisim tarıh jáne mádenıet eskertkishterin saq­taý, jańǵyrtý jáne konserva­sıalaý salasyndaǵy ekijaq­ty baı­lanystardy damytýdy qaras­tyrady. Sondaı-aq, Qazaqstan men Bolgarıa kitaphanalary, mu­rajaılary, kıno óneri men kon­serttik qyzmet uıymdary ara­syndaǵy áriptestik qatynastardy óristete túsýdi kózdeıdi.
Sonymen qatar, kelisimge sáı­kes, memleketter bir-birimen eki jaq­tyń múddelerine tıesili aqpa­rat­tarymen almasyp otyratyn bolady. Taraptar kelisimge qol qoıý eki memleket ha­lyq­tary­nyń arasyndaǵy dostyq qarym-qa­ty­nastardy kúsheıtý men da­mytýǵa jańa serpin beretindigine senim bildirdi.
Sondaı-aq, Qazaqstan halqy As­sambleıasynyń Beıbitshilik já­ne kelisim saraıyndaǵy kórme pavılonyna bolgar ulttyq kostúmi syıǵa tartyldy.

Derekkóz. Egemen Qazaqstan