Jaqynda Astanada Qazaqstan-Pákistan úkimetaralyq komısıasynyń saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi birlesken 8-shi otyrysy Qazaqstan Respýblıkasy Syrtqy ister mınıstriniń orynbasary Asqar Mýsınovtiń jáne Pákistan Islam Res­pýblıkasynyń Munaı jáne mıneraldy resýrstar mem­lekettik mınıstri Djam Kamal Hannyń tóraǵalyǵymen ótti.
Otyrys barysynda Qazaqstan-Pákistan ózara yqpaldastyǵynyń saýda-ekonomıkalyq, otyn-ener­getıkalyq, kólik jáne baılanys, ónerkásip, aýyl sharýashylyǵy, densaýlyq saqtaý, ǵylym jáne t.b. salalaryna qatysty kóptegen máseleler talqylandy.
Qazaqstan tarapy ınfra­qu­rylymdyq damýdyń «Nurly Jol» memlekettik baǵdarlamasy, «100 naqty qadam» Ult jospary sekildi Qazaqstan Prezıdenti Nursultan Nazarbaevtyń bastamalaryna nazar aýdardy. Sondaı-aq, Pákistan jaǵy EKSPO-2017 mamandandyrylǵan halyqaralyq kórmesine qatysý úshin Astana qalasyna shaqyryldy.
Kelissózder barysynda ústi­mizdegi jylǵy tamyz aıynda Pákistan Premer-mınıstri Navaz Sharıftiń Qazaqstanǵa resmı sapary barysynda joǵary deńgeıde qol jetkizilgen ýaǵdalastyqtar eki el arasyndaǵy ózara tıimdi saýda-ekonomıkalyq yntymaqtastyqty odan ári keńeıtý úshin berik negiz qalaǵany atap kórsetildi.
Úkimetaralyq komısıa kólik-logıstıkalyq baǵdarlamanyń quramdas bóligi bolyp tabylatyn Qazaqstan – Túrikmenstan – Iran temirjol magıstrali men Islamabad – Tegeran – Ystambul temirjol magıstraliniń túıisýi, sondaı-aq, Qazaqstannyń Pákistan aýmaǵyndaǵy basqa da kóliktik jobalarǵa qatysýy máselesine nazar aýdardy.
Djam Kamal Han óz kezeginde Islamabadtyń Astanamen qa­rym-qatynasyna úlken mán beretinin atap ótti jáne Qazaq­stan men Pákistannyń saýda-ekono­mıkalyq baılanysyn odan ári arttyrý úshin sharalar qabyldaýǵa jáne osy oraıda, Úkimetaralyq ko­mıs­­sıanyń mehanızmin tolyq­qandy paıdalanýǵa nıet bildirdi.
Sonymen qatar, taraptar eki el isker toptary arasyndaǵy ózara is-qımyldardyń perspektıvalyq baǵyttaryn belgilep, ekijaqty yntymaqtastyqty odan ári tereń­detý jónindegi jumysty jalǵas­tyrýǵa kelisti.
Úkimetaralyq komısıa oty­ry­synyń qorytyndysy boıynsha basym baǵyttardy aıqyndaıtyn birlesken hattamaǵa qol qoıyldy.
Sondaı-aq, onyń kelesi otyrysyn 2017 jyly Pákistan Islam Respýblıkasynda ótkizý týraly sheshim qabyldandy.
Qazaqstanǵa sapary barysynda Djam Kamal Han Qazaqstan Energetıka mınıstriniń birin­shi orynbasary Uzaqbaı Qara­ba­lınmen de kezdesti.

Derekkóz: egemen Qazaqstan