«Básekege qabiletti kósh­basshylar – «Ult­tyq chempıondar» baǵdar­lamasynyń qatysýshysy qazaqstandyq «Maslo-Del» kompanıasy 2018 jyly Qytaıǵa ósimdik maıynyń eksportyn arttyrady.
Kompanıa mundaı josparǵa «Báıterek» holdıńimen júzege asyrylyp jatqan «Ulttyq chempıondar» baǵdarlamasyna qatysý nátıjesinde qol jetizip otyr. Sondaı-aq, ulttyq tutynýshylar irikteýinen nátıjeli ótken chempıon kompanıa josparynda irim­shik qaınatatyn óndiristi iske qosý, qoıyltylǵan qyshqyl sút ónim­deriniń jańa toptamasyn jan­dandyrý, raps maıy sekil­di álemdik suranysqa ıe bire­geı ónimderdiń aıryqsha erek­shelikterin qoldana otyryp, ishki naryqtaǵy ustanymdardy ny­ǵaıtý sekildi naryq zańyna yń­ǵaı­­lastyrylǵan jobalar bar. Otan­dyq ónim óndirýshilerdi qoldaý maq­satynda memleket tarapynan uıymdastyrylyp otyrǵan baǵ­dar­lamaǵa qatysý 2018 jyly «Maslo-Del» kompanıasynyń túsim ósimin 16 mıllıard teńgege qam­ta­masyz etedi dep kompanıa ma­man­dary senimdi paıym jasaýda.
Byltyr Japonıanyń astanasy Tokıoda ótken «FOODEX – 2014» Azıa-Tynyq muhıt aımaǵyndaǵy azyq-túlik ónimderi jáne sýsyndar kórmesinde qazaqstandyq «Sezam Eko», Sun Bee jáne «Maslodel» kompanıalary maı ónimderin jáne qazaqstandyq bal suryptaryn kórmege shyǵaryp, sarapshylar nazaryna usynǵan bolatyn. Sol kórmede damyǵan Shyǵys elderi qazaqstandyq «Maslo-Del» kompanıasy óndiretin zyǵyr, kúnjit, zere, jerjańǵaq, asqabaq maılarynyń óz saýda jáne tutynys naryǵynda úlken suranysqa ıe bola alatyndyǵyn málimdegen.
Kórme jumysynyń 4 kúni ishinde otandyq kásiporyndar sheteldik satyp alýshy seriktestermen 100-den asa kelissózder júrgizip, edáýir tıimdi nátıjelerge qol jetkizgen bolatyn.
Esterińizge sala keteıik, «Báı­terek» holdıńi 2015 jyldyń kókteminde Memleket basshy­sy­nyń bastamasymen ekonomıkanyń shıkizattyq emes salasyndaǵy orta bıznes kóshbasshylary – otandyq kompanıalardy qoldaý maq­satynda qurylǵan «Ulttyq chempıondar» baǵdarlamasyn júze­ge asyrýǵa kirisken bolatyn. Óz­deriniń básekege qabilet­ti­lik­teriniń nátıjesinde baǵdar­lamaǵa qatysýshy kompanıalar búginde shuǵyl túrde jańa jo­ba­lardy iske qosyp, eksport aýqymyn ulǵaıtyp, ımportty almas­tyrýmen jáne turǵyndardy jumyspen qamtamasyz etý ju­-
mystaryn jedeldetkeni belgili.
Memlekettik baǵdarlamada ózi­niń sapaly ónimderimen je­tek­shi kompanıalar sanatyna qosylǵan «Maslo-Del» JSHS Qazaqstandaǵy tamaq ónimderin óndiretin iri kompanıalardyń biri ǵana emes, álemdik naryqqa senimdi qadam jasap otyrǵan otandyq óndirýshilerdiń de biregeıi. Búgingi kúni kompanıada sary maı jáne ósimdik maılary, ónerkásiptik suranystaǵy maılar, margarınder, maıonezder, kechýpter, qyzanaq pastasy, uzaq saqtalatyn sút, qoıýlatylǵan sút sıaqty 100-den asa ónim túrleri óndiriledi
«Báıterek» holdıńi men «Mc.Kinsey & Company» sarapshylary birigip, kásiporyn úshin aldaǵy ýaqytta júzege asyrylýy qajet birqatar bastamalardy óndiriske alyp otyr.
– Bizdiń kompanıanyń baǵ­darlamaǵa qatysýy básekege qabi­lettilikti arttyrýǵa múmkindik syılaıdy, saýda ósiminde jáne eksporttyq naryqtardy meńgerýde qosymsha serpin beredi. Atalmysh bastamalardy júzege asyrý túsimniń aıtarlyqtaı kóbeıýin jáne eńbek ónimdiligin arttyrýdy qamtamasyz etedi, – deıdi «Maslo-Del» kompanıasy «Maı jáne sút ónimderin óndirý kombınatynyń» dırektory Natalá Solohına.
Otandyq óndirýshiler men básekege qabiletti kásiporyndardy baǵalaı jáne olarǵa memlekettik qoldaý kórsetý maqsatynda uıym­dastyrylǵan «Ulttyq chempıondar» baǵdarlamasyna qatysýǵa otandyq kompanıalardan 300-den astam ótinish tapsyrylǵan bolatyn. Solardyń ishinen qarjylyq, ınstıtýsıonaldyq jáne konsýltasıalyq qoldaý kórsetiletin azyq-túlik, qurylys jáne mashına jasaý salasynan 28 kompanıa iriktelip alyndy.
Baǵdarlamanyń maqsaty Qazaqstanda álemdik jáne aı­maq­tyq aýqymdaǵy kompanıalardy qalyptastyrý jolymen Qazaq­standa shıkizattyq emes sektordyń básekege qabiletti, eksport­qa baǵdarlanǵan óndiris­terin qurý bolyp tabylady. Atal­mysh baǵdarlama Qazaqstan Respýb­lıkasynyń Prezıdenti Nursultan Nazarbaevtyń aıqyndap bergen 5 ınstıtýttyq reforma jáne «100 naqty qadam» baǵdarlamasyn júzege asyrý aıasynda ázirlendi.
Integrasıa jaǵdaıynda otan­­dyq taýarlardyń báse­kege qabi­­let­tiligin arttyrý – mem­le­kettiń ǵana emes, bıznestiń ózi­niń de mindeti ekenin búgin­gi ónim óndirýshiler anyq sezge­nin «Ult­tyq chempıondar» baǵdar­lamasy aıqyndap berdi.

Derekkóz: egemen Qazaqstan