QOSTANAI. 9 qarasha. Oblystyq prokýratýra qyzmetkerleri VKontakte jelisindegi balalar arasynda pornografıalyq materıaldardy nasıhattaıtyn ıntetrnet toptarǵa buǵaý salýdy jón dep tapty. Bul týraly egemen.kz tilshisi habarlady.
Balalar men jasóspirimder arasynda jynystyq tıispeýshilikke qarsy profılaktıkalyq jumystarǵa parnografıany, onyń ishinde balalar arasynda nasıhattaǵan ınternet toptardy taýyp, olardyń jumysyna tıym salý da jatady. Saraptaý júrgizýdiń arqasynda VKontakte áleýmettik jelisinde balalar men jasóspirimder arasynda jynystyq qatynasty beınelegen beınerolıkter, pornografıa men pedofılıany nasıhattaǵan basqa da materıaldar jibergen toptar anyqtaldy.
Bıylǵy qazannyń 29-y men 5 qarashasy arasynda 26 osyndaı ınternet toptar anyqtalǵan. Olardyń 1 mılıonnan asa jazylýshylary bar, onyń ishinde 32 myńy qazaqstandyq, osylardyń 2,9 myńy kámeletke jetpegender. Bul toptarǵa qostanaılyqtar da bas suǵypty, biraq olar barlyq kontentterdiń 1-2 paıyzyndaı ǵana bolady. Olardyń jas ereksheligi negizinen 14 pen 18 jas aralyǵynda.
Qostanaı oblystyq prokýratýrasynyń ókili Nurbol Ábdirahmanov: «pornografıany, pedofılıany nasıhattaǵan topqa kirgen balalar negizinen mektep oqýshylary. Olardyń barlyǵynyń naqty kim ekeni anyqtalyp, olardyń muǵalimderimen, ata-analarymen jumys júrgizilýde. Oblystyq prokýratýra osyndaı VKontakte áleýmettik jelisindegi pornografıany, pedofılıany nasıhattaıtyn osyndaı toptardyń jumysyn sotqa deıingi retpen toqtatý týraly bastama kóterip, respýblıkanyń Bas pprokýratýrasyna usynys jasady. Eger Bas prokýratýra bul usynysty qoldasa, aldaǵy kúnderi atalǵan ınternet toptardyń jumysyn alastaıtyn bolamyz», – dedi.
Osy taqyrypqa oraı oblystyq prokýratýrada ótkizilgen baspasóz máslıhatynda oblys prokýrorynyń aǵa kómekshisi Rınat Kárimov bul jumystyń aldaǵy ýaqytta úzbeı jalǵasatynyn da aıtty. Internet jelilerinde balalar men jasóspirimderge jat qylyqtardy nasıhataıtyn toptardyń jumysyn toqtatý, olarǵa saraptama jasaý bir bul emes. Osydan buryn oblystyq prokýratýra qyzmetkerleri sýısıdty nasıhattaǵan ınternet-qoǵamdastyqtarǵa da saraptama jasap, olardyń jumysy beleń alyp ketpeýine kóldeneń turǵan bolatyn.
Oblys prokýrorynyń aǵa kómekshisi Rınat Kárimov: «Sýısıdti nasıhattaǵan 50 topty anyqtap, olardyń barlyǵyn jaýyp tastadyq. Biz ata-analarǵa olardyń balalary qandaı ınternet qoǵamdastyqtardyń múshesi bolyp júrgenin habarlap, kózin jetkizdik. Sonyń arqasynda 74 jasóspirim sol qoǵamdastyqtardan shyqty. Sonymen qatar oblystyq prokýratýra oblys ákimi aldyna oblystyq bilim basqarmasynda ınternet keńistikke ylǵı saraptama jasap, sýısıdti, pornografıany, pedofılıany, balalarǵa, janýarlarǵa azap kórsetýdi nasıhattaıtyn saıttardyń paıda bolýyn anyqtap otyratyn maman bólinýin másele etip qoıǵan bolatyn. Qazir ol maman jumys istep otyr», – dedi.
Derekkóz: egemen Qazaqstan
