Jaqynda Oral qalasynda BAQ ókilderiniń arasynda qazaq sport jýrnalısıkasynyń kóshbasshysy, jazýshy, qoǵam qaıratkeri Seıdahmet Berdiqulovty eske túsirýge arnalǵan İİ respýblıkalyq spartakıada ótti.
Oǵan Astana, Almaty qalalary men elimizdiń jeti oblysy jáne respýblıkalyq telearnalardan 12 komanda qatysty. Komandalar sporttyń birneshe túrinen, atap aıtqanda, shaǵyn fýtbol, voleıbol, jeńil atletıka, júzý, qol kúresi, ústel tenısi, basketbol, shahmat, gir kóterýden kúsh synasty.
Spartakıada 31 qazan men 2 qarasha kúnderi ótti. Jarys bastalar aldynda Mádenıet jáne sport mınıstrligi sport jáne dene shynyqtyrý komıtetiniń buqaralyq jáne olımpıadalyq emes sport túrlerin damytý basqarmasynyń basshysy Bekbolat Baıjanov baspasóz máslıhatyn ótkizip, Spartakıadanyń Elbasy Nursultan Nazarbaevtyń Joldaýy men densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasyn iske asyrý, buqaralyq sportty damytý jáne salamatty ómir saltyn BAQ qyzmetkerleri arasynda nasıhattaý maqsatynda ótkiziletinin aıtty. Osy kúni mandattyq komıssıanyń otyrysy ótip, jerebe tastaldy. Sol jerde komandalar qarsylastaryn anyqtap aldy.
Kelesi kúni jarystar Oraldyń birneshe sport zalynda ótti. Mysaly, Astanadan Spartakıadaǵa jalǵyz barǵan «Egemen Qazaqstan» gazetiniń tilshisi ústel tenısinen ótken týrnırge qatysty. Osy kezde shahmat, sýǵa júzý, qol kúresi, gir kóterý, jeńil atletıkadan jarystar ótip jatty. Bul jarystardyń barlyǵy kúni boıy ótse, komandalyq sport túrlerinen syndar Spartakıadanyń jabylý saltanatyna deıin jalǵasty. Sóıtip, Spartakıadanyń qorytyndysynda jalpykomandalyq esepte «Habar» telearnasy jeńimpaz atansa, ekinshi oryndy «Qazaqstan» telearnasy, úshinshi oryndy Aqtóbe oblysynyń komandasy ıelendi.
Jalpy aıtqanda, Spartakıada jaqsy ótti. Jýrnalıser úsh kún boıy ózderi jarysqa qatysyp qoımaı, Batys Qazaqstan oblysynda sportty damytýǵa barlyq jaǵdaıdyń jasalǵanyn kórip qaıtty. Buǵan deıin Mádenıet jáne sport mınıstrliginiń Sport jáne dene shynyqtyrý isteri komıteti 2011 jyly Shymkent qalasynda jýrnalıserdiń alǵashqy Spartakıadasyn ótkizgen bolatyn. Mınıstrliktiń Sport jáne dene shynyqtyrý isteri komıtetiniń baspasóz hatshysy Baqytbek Hamıttiń aıtýynsha, endi kelesi Spartakıadanyń qaı jerde ótetini 2018 jyly belgili bolady. «Al shaǵyn fýtboldan BAQ ókilderiniń arasynda Seıdahmet Berdiqulovty eske túsirýge arnalǵan týrnır jyl saıyn ótip turatyn bolady. Bul týrnır on jyldan astam ýaqyttan beri ótkizilip keledi. Qazir mınıstrlik tarapynan onyń aıasyn keńeıtý maqsatynda sharalar qolǵa alynyp jatyr», dedi ol.
Spartakıadanyń sońynda jeńimpazdar men júldegerlerge baǵaly syılyqtar tabys etildi.
Derekkóz:egemen Qazaqstan
