Qazaqstan Respýblıkasy men Amerıka Qurama Shtattary Shyǵys Ýkraınanyń shekaralas oblys­tarynda janjaldy retteýdiń jáne beıbitshilikti qalpyna keltirýdiń birden-bir joly retinde Mınsk úderisin qoldaıtyndyqtaryn bildirdi. Amerıka Qurama Shtattary Ýkraınamen ekonomıkalyq yntymaqtastyqty qamtamasyz etýdegi Qazaqstannyń ustanymyn qýattady.
Amerıka Qurama Shtattary Aýǵanstannyń qaýipsizdigi men damýyna qoldaý kórsetýdegi jáne Ortalyq Azıanyń ekonomıkalyq ıntegrasıasyn ilgeriletýdegi Qazaqstannyń kóshbasshylyǵyn qoldaı otyryp, eki tarap jańadan iske qosylǵan S5+1 negizindegi únqatysý Ortalyq Azıanyń turaqtylyǵy men damýyna úles qosatyndyǵyna senimmen qaraı­tyndyqtaryn jetkizdi. Eki tarap «DAISH» uıymynyń, terro­rızmniń jáne zorlyq ekstre­mızmniń qaýip-qaterine qarsy kúreste yntymaqtastyqty nyǵaı­týǵa mindettendi jáne Amerıka Qurama Shtattary Qazaqstanǵa 2015 jylǵy maýsym aıynda Zorlyq ekstremızmge qarsy is-qımyl jónindegi óńirlik konferensıa ótkizgeni úshin alǵysyn bildirdi.
Taraptar beıbitshilikti qoldaý salasyndaǵy ózderiniń berik yntymaqtastyǵyna sholý jasap, qazaqstandyq bitimgerlerdiń qaty­sýy múmkin BUU-nyń yqtı­mal mısıalaryn anyqtaý úshin birlesip jumys isteýge tilek bildirdi. Eki tarap quqyq qol­daný salasyndaǵy ózara kúsh-jigerdi keńeıtý jóninde ynty­maq­tastyqty quptaı otyryp, 2015 jylǵy aqpanda qol qoıyl­ǵan Ózara quqyqtyq kómek kór­setý jónindegi kelisimniń mańyz­dy­lyǵyn atap ótti.
Qazaqstan men AQSH jappaı qyryp-joıý qarýyn taratpaýdaǵy ortaq múddelerin taǵy da rastady. Amerıka Qurama Shtattary Qa­zaq­standa MAGATE-niń Tó­men baıytylǵan ýran bankin qurý týraly kelisimine tamyzda qol qoıylýyna baılanysty Qa­zaq­standy quttyqtady. Sondaı-aq, 2016 jyldyń basynda Iadrolyq qaýipsizdik jónindegi óńirlik oqý ortalyǵyn qurý boıynsha Qazaqstannyń josparyn qol­da­dy jáne taratpaý tártibi men óńirlik turaqtylyqty nyǵaıtý boıynsha Qazaqstannyń kúsh-jigerine, onyń ishinde Iran ıadro­lyq baǵdarlamasy boıynsha Bir­lesken bárin qamtıtyn is-qımyl josparyn tabysty jasasýǵa múmkindik bergen «R5+1» toby ke­lis­sózderiniń eki raýndyn Qazaq­standa ótkizgeni úshin alǵy­syn bildirdi.
Amerıka Qurama Shtattary Qazaqstandy Dúnıejúzilik saýda uıymyna múshe retinde kirý úderisiniń aıaqtalýmen quttyqtap, Ekonomıkalyq yntymaqtastyq jáne damý uıymynyń Eldik baǵdarlamasyn qajetti refor­malardy júzege asyrýǵa paı­dalanýǵa baǵyttalǵan talpynysyn qoldady. Eki tarap jeke sektordaǵy ınovasıalyq qyzmettiń mańyzdylyǵyn moıyndap, kásipkerlikti damytýǵa arnalǵan múmkindikterdi paıdalanatyn bolady jáne «Sheteldik shottarǵa salyq salý týraly» kelisimge qol qoıýǵa múddelestik tanytyp otyr.
Qazaqstan men AQSH aldaǵy ýaqytta Parıj qalasynda óte­tin taraptardyń 21-shi konferen­sıasynda kómirqyshqyl gaz­dary­nyń shyǵaryndylaryn azaıta­tyndyqtaryna sendire otyryp, klımattyń ózgerýine qarsy kú­reske nıettenetindikterin bil­dirdi. Eki el energıa qaýipsizdiginiń mańyzdylyǵyn basa aıtty jáne Amerıka Qurama Shtattary jasyl energetıka taqyryby boıynsha ótetin EKSPO-2017 kórmesin qýattaıtynyn málimdedi. AQSH, sonymen qatar, Halyqaralyq ǵylymı-tehnıkalyq ortalyqty Qazaqstanda ornalastyrǵany úshin alǵys bildirdi.
Qazaqstan men AQSH táýel­siz BAQ jáne jergilikti basqa­rý sıaqty ınstıtýttardy nyǵaı­tý jónindegi kúsh-jigerdi qosa alǵanda, demokratıalyq damý­dyń jáne adam quqyqtary saqta­lýynyń mańyzdylyǵyn qýattady. Taraptar azamattyq qoǵam­nyń alýandylyǵy men belsen­diliginiń mańyzyn moıyndady. Amerıka Qurama Shtattary Qazaq­stannyń «100 naqty qadam» Ult josparynyń keýdeli maqsat­taryn nazarǵa ala kelip, reformalar azamattyq qoǵamdy kúsheıtip, zań ústemdigine jáne ıdeıalarmen erkin almasý boıynsha tabysqa bastaıtynyn qýattady.
Qazaqstan men AQSH bilim jáne kásibı baılanystardy arttyrýǵa ózderiniń beıildi ekendikterin rastady. Amerıka Qurama Shtattary qazaqstandyqtardyń AQSH-ta oqý jáne qaıta daıarlaýdan ótý múmkindikterin arttyrý qajet dep sanaıdy. Onyń ishinde Qazaqstan men AQSH ýnıversıtetteri arasynda áriptestik qurýǵa qoldaý kórsetýdi jáne Qazaqstannyń bilim berý salasyndaǵy reforma úshin aǵylshyn tilinde oqytýdy keńeıtýdi kózdeıdi.
Eki tarap 2016 jyly Stra­te­gıalyq áriptestik jónindegi ko­mısıanyń vedomstvoaralyq otyrysyn ótkizýge jáne ózge de alańdarda joǵary deńgeıde ózara árekettesýge ýaǵdalasty.

Derekkóz: egemen Qazaqstan