Keshe Astanada «Shabyt» XVIIİ Halyqaralyq shyǵarmashylyq jastar festıvali ashylýynyń saltanatty rásimi ótti.
Bıylǵy daryndylardy anyq­­taıtyn jarystyń uıym­das­­ty­rylýyna uıytqy bolǵan­dar­dyń uıǵa­rymy boıynsha fes­tı­val 5 atalymdy quraıdy. Olar: «Klasıkalyq mýzyka», «Beıneleý óneri», «Halyq mýzykasy», «Sırk óneri», «Sporttyq sándi bı».
Jyl saıyn «Shabyt» jastar shyǵarmashylyq festıvaline qyzyǵýshylyq arta túsýde. Buny baıqaýǵa nıet bildirgenderdiń sanynan bilýge bolady. Ár ýaqytta qazylar alqasy festıvál jańa talantty tabýǵa ári olardyń óner jolyn ashýda septigin tıgizetinin atap ótedi. Sondyqtan bul festıváldiń alar orny aıryqsha, dedi Astana qalasy ákiminiń orynbasary Ermek Amanshaev. Qatysýshylardyń talantyn áıgili ártister, profesorlar, Qytaı, Germanıa, Izraıl, Italıa, Belarýs, Reseı jáne Qazaqstannan shyqqan óner maıtalmandary baǵalaıtyn bolady. Sonymen qatar, qazylar alqasynyń músheleri óz sheber­likterimen bólisedi.
Osylaısha, «Dombyramen án salý» atalymynda qazylar alqasyna Qazaqstannyń halyq ártisi, Memlekettik syılyqtyń laýreaty, profesor Qaırat Baıbosynov tóraǵalyq etedi. Halyq mýzykasy boıynsha Ramazan Stam­ǵazıev, Aıgúl Qosa­nova, Sáken Syzdyqov, Jaqsy­geldi Kemalov jáne Qonysbaı Ábil syndy tanymal óner she­berleri óz baǵalaryn beredi. «Dom­byra» atalymynda qazylar alqasynyń tóraǵasy Qazaqstannyń eńbek sińir­gen qaıratkeri, profesor, Mem­lekettik akademıalyq fı­larmo­nıa­nyń qazaq halyq aspap­tary orkestriniń kórkemdik jetek­shisi jáne bas dırıjeri Aıt­qalı Jaıymov.
Sırk ónerinen synǵa túsetin úmitkerlerdi Astana sırki dırektory Erik Joljaqsynov, Saha Respýblıkasy sırkiniń dırektory Sergeı Rastorgýev, Almaty qalalyq qazaq sırkiniń dırektory Dáýlet Dosbatyrov syndy óner tarlandary baǵalaıdy. «Akademıalyq án salý» nomınasıasy boıynsha ádilqazylar alqasynyń tóraǵasy Qazaq ult­tyq óner ýnıversıtetiniń profesory Qanat Omarbaev bolady. Sonymen qatar, halyqaralyq konkýrstardyń laýreaty, Túrkıa men Italıanyń Memlekettik ope­rasynyń jeke án salýshysy Seda Ortach, Mınskiden kelgen óner­taný doktory Ekaterına Dýlova, Ierýsalım mýzyka akade­mıa­synyń klarnet klasy boıynsha profesory, Izraıl operasy orkestriniń birinshi klarneti Mıhaıl Gýrfınkel, Ierýsalım sımfonıalyq orkestriniń bas dırektory Iaır Stern syndy shaqyrylǵan qonaqtar ádil qazylar alqasyna múshe retinde kirdi. Festıváldiń eń úzdik skrıpkashysyn Qazaq ulttyq óner ýnıversıtetiniń rektory, Qazaqstannyń Eńbek Eri Aıman Musa­qojaeva jáne basqalar anyq­taıtyn bolady.
Osy jylǵy jarysqa tigilgen júldeniń de júgi aýyr. Nege de­seńiz, bas báıge Qazaqstan Res­pýb­lıkasy Prezıdentiniń kýbo­gy bolmaqshy. Festıválǵa qaty­sý ótinishterin uıymdastyrý komı­teti 2015 jyldyń 15 qazanyna deıin qabyldaǵan bolatyn, kelip tús­ken jumystardyń ishinde myń­nan tulpar, júzden júırik shyq­qan 388 úmitker qarashanyń 3-i men­
8-i aralyǵynda baqtaryn syna­maq.

Derekkóz: Egemen Qazaqstan