Aqmola oblysynyń Esil qalasynda «Balapan» baǵdarlamasy arqyly 200 oryndyq balabaqsha paıdalanýǵa berildi. Bul týraly «Qamshy» portaly QazAqparatqa silteme jasap habarlaıdy.

«Balbóbek» atalatyn balabaqshany ashý saltanatyna aýdan ákimi Amanbek Qaljanov qatysyp, tárbıeshiler men búldirshinderdiń ata-analaryn quttyqtady. 

Atalǵan balabaqsha 200 búldirshinge arnalǵan. Qurylys jumystary respýblıkalyq «Balapan» baǵdarlamasy arqyly bólingen 14 mıllıon teńgeden astam qarjyǵa salynǵan. Nysannyń paıdalanýǵa berilýi 48 adamdy turaqty jumyspen qamtyp otyr. 

Eske sala ketsek, búgingi kúni Esil aýdanynda 29 mektepke deıingi uıym jumys isteıdi. Onyń 6-y balabaqsha, 23-i shaǵyn ortalyq. «Balbóbek» balabaqshasynyń paıdalanýǵa berilýi aýdanda 3 jastan 6 jasqa deıingi balalardy bilim berý mekemelerimen 100 paıyz qamtýǵa múmkindik berip otyr.