Orystildi tarıhshylar men saıasatkerlerdiń arasynda mynadaı jalǵan mıf bar: qazaq ulty, memleketi bolmaǵan, ony qurǵan, alǵyshartyn jasaǵan Sovet úkimeti degen. Shyndap kelsek, 1917-1918 jyldary ımperıa quramyndaǵy kóptegen ulttar óz táýelsizdigin aldy nemese alýǵa tyrysty. Solardyń qatarynda qazaqtar da bolǵan. Lenın bastaǵan bálshebekter birazyn ımperıa qataryna qosyp úlgerdi, artynan sol elderdegi táýelsizdik ıdeıasyn basyp janshýmen aınalysty. 1991 jyly ımperıa qulaǵan kezde jańa memleketter sol 1918 jylǵy ydyraý shekaralarynda quryldy. Bul tegin emes. Qazaq memlekettigi bolǵan, onyń shekarasy bolǵan. Ol shekarany syzyp bergen Lenın emes, Alashordashylar! Imperıa shekaramyzdy myqtylyǵynan emes, álsizdiginen moıyndady. Alashordashylar qazaq tilindegi ulttyq aǵartý, bilim berý, mádenıet júıesin jasady, júzge jýyq oqýlyq jasap ketti. Saıası turǵydan jeńilse de, tarıhı turǵydan jeńip shyqty! Búgingi jeńisimiz sol 1916-1918 jyldardaǵy alashshyl azamattardyń talpynysynyń ınersıasy. Táýelsizdik ımpúlsy, azattyqtyń jarylǵysh kúshi tek qajetti ýaqytyn kútip, pisip jatty deýge ábden bolady. Osyny umytpalyq!

Aıdos Sarymnyn fb parakshasynan