Qanybek Jumash «Nur Otan» partıasynyń jańa hatshysy bolyp taǵaıyndaldy. Bul týraly «Qamshy» portaly partıanyń baspasóz qyzmetine silteme jasap habarlaıdy.

«Nur Otan» partıasynyń hatshysy qyzmetinde Qanybek Jumash memlekettik organdarmen ózara is-qımyl jumystaryn, QR Parlamenti Májilisindegi fraksıa jáne barlyq deńgeıdegi máslıhat fraksıalarymen memlekettik baǵdarlamalardyń, onyń ishinde «Nurly jol» baǵdarlamasynyń oryndalýyn, salalyq jáne aımaqtyq baǵdarlamalardyń oryndalýyn, búdjettik qarajattyń tıimdi paıdalanýyn, uıymdastyrý-baqylaý jumystaryn qadaǵalaıtyn bolady», - delingen «Nur Otan» partıasynyń saıtynda ornalastyrylǵan habarlamada.

Qanybek Jumash ál-Farabı atyndaǵy Qazaq memlekettik ýnıversıtetin (hımık-oqytýshy), Sh. Esenov atyndaǵy Aqtaý memlekettik ýnıversıtetin (ekonomıka jáne quqyq) bitirgen.

Mańǵystaý oblysy ákiminiń orynbasary qyzmetinde, «Nur Otan» partıasynyń Mańǵystaý oblystyq fılıaly tóraǵasynyń birinshi orynbasary, «Nur Otan» partıasy Ortalyq apparaty basshysynyń orynbasary bolyp birqatar jyldar boıy jumys istegen.

2015 jyldyń tamyz aıynan bastap «Nur Otan» partıasy tóraǵasynyń birinshi orynbasarynyń keńesshisi bolǵan.

2013 jyly «Qurmet» ordenimen marapattalǵan.