Nursultan Nazarbaev Almatyda jańadan ashylǵan №125 balabaqshada boldy. Bul týraly "Qamshy" portaly QazAqparatqa silteme jasaı otyryp habarlaıdy.
Memleket basshysy Nursultan Nazarbaev pen shahar basshysy Baýyrjan Baıbekti qala ákiminiń orynbasary Arman Orazbaev qarsy aldy.
Jańa áleýmettik nysan «Kóktem group» kompanıasynyń ınvestısıasymen shveısarıalyq joba boıynsha boı kóterdi. Balabaqsha 1961 jyly negizi qalanǵan eski bóbekjaıdyń ornyna salyndy. Kompanıa óz qarjysyna ǵımaratty súrip, ornyna jańa 4-qabatty zamanaýı ǵımaratty salyp shyqty. Qurylys 2015 jyldyń qarashasynda aıaqtaldy.
Munda buryn 120 bala bir mezette tárbıelengen bolsa, jańǵyrtylǵan ǵımarat 216 balany qabyldaı alady. Ujymda 55 adam jumys jasaıdy.
Sondaı-aq, Memleket basshysyna ál-Farabı-Dostyq kósheleriniń qıylysynda bolashaqta boı kóteretin áleýmettik, mádenı jáne turmystyq nysandar týraly stendter tanystyryldy.
