"Qazaqstan arýy-2015" sulýlyq baıqaýynyń uıymdastyrýshylary qazylar alqasynda kimderdiń bolatynyn jarıalady, - dep habarlaıdy «Qamshy» portaly Tengrinews.kz –ke silteme jasap habarlaıdy.

Qazylar alqasynyń quramynda - ǵaryshker Aıdyn Aıymbetov, veloshabandoz, olımpıada chempıony Aleksandr Vınokýrov, "Astana jastary" basshysy Ánýar Nurpeıisov, Qazaqstannyń halyq ártisi Aıman Musaqojaeva, qoǵam qaıratkeri Arýjan Saın, aktrısa Ásel Saǵatova, "Astana" FK bas menedjeri Qaısar Bekenov, "Altyn Orda" avtorlyq dızaın úıiniń etno-dızaıneri Yrza Tursynzada, "Qazaqstan arýy" ulttyq baıqaýynyń prezıdenti Alena Rıvlına-Qyrbasova bar.

2014 jyldan beri ádil qazylar alqasy Qazaqstannyń eń kórikti úsh qyzyn tańdaıdy. Al grand-fınalda kórermender sms-daýys berý arqyly jeńimpazdy anyqtaıdy. "Qazaqstan arýy-2015" ulttyq baıqaýy 10 jeltoqsanda elordadaǵy Beıbitshilik jáne kelisim saraıynda ótedi.

Bıyl baıqaýǵa ár óńirden 30 arý qatysady, olardyń beseýi mektep oqýshysy. "Qazaqstan arýy-2015" baıqaýynyń júlde qory - 5 mıllıon teńge.