QR Ulttyq ulany «Ońtústik» óńirlik qolbasshylyǵyna qarasty áskerı bólimder arasynda «Úzdik batalón komandıri», «Batalón komandıriniń úzdik orynbasary», «Batalónnyń úzdik shtab bastyǵy» atty baıqaý-saıysynyń ekinshi kezeńi aıaqtaldy, - dep habarlaıdy «Qamshy» portaly qolbasshylyqtyń baspasóz qyzmetine silteme jasap.
Jaýyngerlik-qyzmettik mindetteriniń sapasyn kóterip, ony odan ári jetildirý, Ulttyq ulan ofıserleriniń komandırlik daıarlyqtarynyń deńgeıin joǵarylatý jáne batalón býynyndaǵy laýazymdy tulǵalardyń ózderiniń kásiptik sheberlikteri men ozyq tájirıbelerimen maqsatynda ústimizdegi jyldyń 3-5 jeltoqsany aralyǵynda 5571 áskerı bóliminiń bazasynda «Ońtústik» óńirlik qolbasshylyǵyna qarasty áskerı bólimder arasynda «Úzdik batalón komandıri», «Batalón komandıriniń úzdik orynbasary», «Batalónnyń úzdik shtab bastyǵy» atty baıqaý-saıysynyń ekinshi kezeńi aıaqtaldy. Jambyl, Almaty, Qyzylorda, Ońtústik Qazaqstan oblystarynan at terletip kelgen olar memlekettik-quqyqtyq daıyndyq, qyzmettik-jaýyngerlik qoldaný taktıkasy, QR QK basqa da áskerleri men áskerı quramalarynyń Jalpy áskerı jarǵysyn bilýden baq synasty. Sondaı-aq, saıysqa qatysýshylar dene daıyndyǵy, ıaǵnı 100 metrge júgirý, beltemirde tartylý, 3 shaqyrym qashyqtyqqa júgirý syndy normatıvterden synaq tapsyrdy. Sondaı-aq, ekinshi kúni Makarov tapanshasynan atys jattyǵýyn oryndaý saıysynan quralaıdy kózge atqan ulandyqtar jarysty qorytyndylady.
Baıqaý-saıys nátıjesiniń qorytyndysy boıynsha jeńimpazdar 5571 áskerı bóliminiń klýbynda marapattaldy. «Úzdik batalón komandıri» bolyp - Kurmet Zarıpov tanylsa, «Batalónnyń úzdik shtab bastyǵy» ataǵyn Kırıll Polánskıı jeńip aldy. Al, tálimgerlerdiń arasyndaǵy «Batalón komandıriniń tárbıe jáne áleýmettik-quqyqtyq jumystary jónindegi úzdik orynbasary» ataǵyna Salamat Ámirhanov qol jetkizdi.
«Jigitte de jigit bar, azamaty bir bólek. Jylqyda da jylqy bar, qazanaty bir bólek», -demekshi, aramyzda el súısiner isimen kópke úlgi bolyp júrgen aq mańdaıly azamattarymyzUlttyq ulan qatarynda barshylyq. Olar atqarǵan qyzmetimen, tókken terlerimen Otanǵa adaldyq tanytyp keledi. Bir tilerimiz, kók aspanymyzǵa bult úıirilmeı, olar jınaǵan tájirbıesin tek beıbit kúnderi osyndaı saıystarda ǵana qoldansyn» delingen baspasóz qyzmeti taratqan habarlamada.
