Búgin Úkimet otyrysynda 2016-2018 jyldarǵa arnalǵan ekonomıkalyq jáne áleýmettik turaqtylyqty qamtamasyz etý boıynsha daǵdarysqa qarsy jospary qabyldandy, - dep habarlaıdy «Qamshy» portaly QazAqparatqa silteme jasap.
«Meniń oıymsha, búgin biz Memleket basshysynyń tapsyrmalaryn oryndaý sharalary josparyna jáne Daǵdarysqa qarsy josparǵa qatysty barlyq máselelerdi aıtarlyqtaı tyńǵylyqty talqyladyq. Shyn máninde bul bir qujat. Atap aıtqanda, ol aldymyzda turǵan syn-qaterlerge jaýap beredi», - dedi QR Premer-Mınıstri Kárim Másimov.
Osy jospar boıynsha QR Ulttyq ekonomıka mınıstri Erbolat Dosaev baıandama jasady.
«Qazaqstan Respýblıkasynyń Prezıdenti N.Á.Nazarbaevtyń 2015 jylǵy 30 qarashadaǵy «Qazaqstan jańa jahandyq naqty ahýalda: ósý, reformalar, damý» atty Qazaqstan halqyna Joldaýyn iske asyrý maqsatynda Sizdiń qaraýyńyzǵa Jalpyulttyq is-sharalar josparynyń (Jalpyulttyq jospary) jáne Úkimet pen Ulttyq Banktiń ekonomıkalyq jáne áleýmettik turaqtylyqty qamtamasyz etý jónindegi 2016-2018 jyldarǵa arnalǵan daǵdarysqa qarsy is-qımyl josparynyń (budan ári - Daǵdarysqa qarsy jospar) jobalary engiziledi»,- dedi E.Dosaev.
Jalpyulttyq jospar Memleket basshysy atap ótken 10 jylǵa arnalǵan nysanaly ındıkatorlardy jáne 5 baǵyt boıynsha 39 is-sharany qamtıdy. Jalpyulttyq jospardy iske asyrýda ázirlengen Daǵdarysqa qarsy jospar Memleket basshysy 2015 jylǵy 30 qarashadaǵy Joldaýynda bergen joǵaryda atalǵan 5 negizgi baǵytqa sáıkes barlyq tapsyrmalardy qamtıdy.
Daǵdarysqa qarsy jospar «100 naqty qadam» Ult jospary sheńberindegi reformalardy tereńdetý jónindegi, Memleket basshysynyń 2015 jylǵy 18 qarashadaǵy Úkimettiń keńeıtilgen otyrysynda bergen tapsyrmalaryn oryndaý jónindegi sharalardy, 2015-2016 jyldarǵa arnalǵan jedel sharalar men «erekshe kezeń», sondaı-aq ekonomıkany dollarsyzdandyrý josparlarynyń ótpeli is-sharlaryn qamtıdy.
Daǵdarysqa qarsy jospar 2 bólimnen turady, ıaǵnı Memleket basshysy 2015 jylǵy 30 qarashadaǵy Qazaqstan halqyna Joldaýynda aıqyndaǵan 5 negizgi basymdyq sheńberinde jańa qurylymdyq ekonomıkany qalyptastyrý, al ekinshisi - ekonomıkanyń ósýin jáne oǵan kredıt berýdi yntalandyrý boıynsha jedel sharalar qamtylǵan.
Osy oraıda qarjy sektoryn turaqtandyrý, búdjet saıasatyn ońtaılandyrý, jekeshelendirý jáne ekonomıkalyq básekelestikti yntalandyrý, jańa ınvestısıalyq sasattyń negizderi, jańa áleýmettik saıasat jáne basqa da negizgi qadamdar eskerilgen.
