Almatydaǵy Qysqy Ýnıversıada bolashaqta ótetin Ýnıversıadalarǵa úlgi bolady. Qazaqstanǵa is-saparmen kelgen FISU Halyqaralyq stýdentter sporty federasıasynyń ókilderiniń oıy osy.  Bul týraly «Qamshy» portaly habarlaıdy.

Olar 2017 jylǵy Qysqy Ýnıversıadanyń daıyndyǵymen tanysty.  «Biz bul oqıǵany biraz jyldan beri kútip júrmiz.Almatyǵa 2011 jyly Ýnıversıada ótkizý quqyǵyn bergen kezden bastap. Biz Almatyda ótetin Ýnıversıada bolashaqta basqa Ýnıversıadalarǵa úlgi bolady degen oıdamyz", - dedi  FISU bas hatshysy Erık Seıntrond Premer-Mınıstrdiń orynbasary Darıǵa Nazarbaeva, Almaty qalasynyń ákimi Baýyrjan Baıbekpen kezdesýinde.

«Uıymdastyrý komıtetiniń jetekshisi Darıǵa Nazarbaevmen kezdesýimizde bizder eń ózekti máselelerdi talqyladyq. Vıse-premer óz tarapynan Ýnıversıadaǵa yqylas tanytyp,  qoldap jatqany qýantady",- dedi Erık Seıntrond. FISU ókilderi  Almaty qalasynyń ákimimen kezdesýinde ınformasıalyq tehnologıalar men tele ónimder jaıly máselelerdi talqylady.

Sonlaı-aq, «Almaty ákimshiligine qarasty Dıreksıada jalyndy jastardan quralǵan myqty  top qalyptasypty. Olarmen jumys isteýge qulshynyp otyrmyz  Biz birlesip,  úlken qarqynda jumys istegenimiz abzal. Óıtkeni jarysqa deıin bir jyldan astam ýaqyt qana qaldy», - dedi ol.

Esterińizge sala keteıik Almatydaǵy Ýnıversıada oıyndary 2017 jyldyń 28 qańtary men 8-shi aqpan aralyǵynda ótedi.