Keshe Jambyl oblysynyń polıseıleri Turar Rysqulov aýdany aýmaǵyndaǵy jol boıyndaǵy dárethanada bosanyp, sol jerde sábıin tastap ketken kelinshekti qolǵa túsirdi, - dep habarlaıdy «Qamshy» portaly.
Óz nárestesin óltirýge árekettendi degen azamat sol aýdannyń 21 jastaǵy turǵyny bolyp shyqty. Qazir ol ustalyp, ishki ister organdaryna jaýap berýde.
«Tergeý múddesine oraı, atalǵan azamatsha týraly málimetter ázirge jarıalanbaıdy. Oqıǵanyń mán-jaıy aldaǵy ýaqytta BAQ-ta habarlanady» delingen polıseıler taratqan habarlamada.
Al, náreste qazirgi tańda T. Rysqulov aýdanynyń ortalyq aýrýhanasynda emdelýde. Dárigerler náresteniń densaýlyq jaǵdaıy jaqsy dep otyr.
