Almatyda balalar men jasóspirimderdi boksqa baýlıtyn jańa jattyǵý zaly jumys isteýde, - dep habarlaıdy «Qamshy» portaly.
Ashylǵanyna úsh aı bolǵan jattyǵý zalynda búginde 150-den astam boksshy jattyǵýda. Jaqynda boks mektebinde Almaty qalasy men oblysy aýmaǵyndaǵy boks mektepteriniń tárbıelenýshileri arasynda ashyq birinshilik ótti. Oǵan qala men oblystyń sport mektepterinde, «Ertal» boks klýbynda jattyǵyp júrgen jas boksshylar qatysty.
«Jalpy, jastar men balalar arasyndaǵy sportqa erekshe mán berilýi kerek. Búgingi balalar erteń elimizdiń ataǵyn shyǵaratyn dańqty sportshy bolýy múmkin. Elimizdiń Qanat Islam, Serik Sápıev, Gennadıı Golovkın, Bekzat Sattarhanov syndy sportshylarymyz da osylaı bala kezderinen sportpen shuǵyldanyp, úlken jetistikterge jetkenin bilemiz», - deıdi boks mektebiniń negizin qalaýshy Aıdar Sháribaev.
Boks mektebi Almaty qalasynda (Pýshıkn men Maqataev kósheleriniń qıylysyndaǵy «Túrkistan» saýda úıiniń 3-qabatynda) oqýshy, stýdent jastardy jattyqtyrýdy turaqty jolǵa qoıǵan.
Erlan Tóleýbaı
