Qytaı kompanıasy álemdegi alǵashqy jolaýshy tasıtyn ushqyshsyz ushý quralyn jasap shyǵardy, - dep habarlaıdy 24-arna.
Aıryqsha áýe kóligi AQSH-tyń Los-Vegas qalasyndaǵy elektronıka kórmesinde tanystyrylǵan. Onyń kabınasynda basqarý tetigi atymen joq. Bárin kompúterler men sensorlar basqarady. Budan bólek, arnaıy planshet bar. Jolaýshy sonyń kómegimen ushatyn jáne qonatyn ýaqytyn belgileıdi. Áýe kóliginiń jańa túrinde ázirge tek bir adam ǵana otyra alady. Batareıasyn qýattaýǵa bar bolǵany 2 saǵat qajet. Kompanıa ókilderi «tyń týyndy 3-5 jyldyń kóleminde naryqqa shyǵady», - deıdi. Al baǵasy 300 myń dollar bolmaq.
