Ál-Farabı atyndaǵy QazUÝ-dyń «Qazaq ýnıversıteti» baspasynan jaryq kórip kele jatqan «Ónegeli ómir» serıasynyń kezekti 67,68-shyǵarylymy Qazaqstannyńbeldiǵalymdary, akademıkter T.B. Darhanbaev pen M.A. Aıthojınge arnalyp shyǵaryldy, - dep habarlaıdy «Qamshy» portaly.
Kitapta ǵalymdar jaıly bıografıalyq aqparattar, olardyń ǵylymı maqalalary men jeke muraǵat sýretteri, sonymen qatar, dostary, týystary, zamandastary men áriptesteriniń, shákirtteriniń jyly lebizderi men estelikteri qamtylǵan.
Saltanatty sharany ashqan Ál-Farabı atyndaǵy QazUÝ rektory Ǵalym MutanovTemirbaı Baıbosynuly men Murat Ábenulynyń ómiri, eńbek joly óskeleń urpaqqa úlgi ekenin atap ótti.
«Qazaq bıdaıynyń bıohımıalyq jáne tehnologıalyq qasıetterin zertteýdi eń alǵash bolyp Darqanbaev Temirbaı Baıbosynuly óz qolyna alǵan edi. S.M. Kırov atyndaǵy QazMÝ-dyń rektory bolǵan ǵalym bizdiń ýnıversıtetimizdiń damýyna súbeli úlesin qosyp, talaı qazaqstandyq genetıkterdi tárbıelegen adam, – deı kele rektor Ǵalym Mutanov Aıthojın Murat Abenulynyń ónegeli ómir jolyna da keńinen toqtaldy.–Qazaqstanda molekýlalyq bıologıa men bıotehnologıanyń negizin qalaǵan ǵalymnyń esimi búginde 1983 jyly negizin óziqalaǵan Molekýlalyq bıologıa men bıotehnologıa ınstıtýtyna berilgen. Elimizdiń bolashaq bıolog mamandary úshin onyń eńbekteri– biregeı teńdesi joq ǵylymı mura».
Kezdesýge kelgen qonaqtar, QR UǴA akademıkteri zamandastarynyń ómirinen qyzyqty oqıǵalar aıtyp, ǵalymmen birlesip jasaǵan jumystary týraly estelikterimen bólisti.
