Iemenniń soltústigindegi «Shekarasyz dárigerler» halyqaralyq gýmanıtarlyq uıymynyń aýrýhanasy taǵy da jarylǵysh snarádtarmen atqylandy, - dep habarlaıdy «Qamshy» portaly 24.kz-ke silteme jasap.

Aýrýhana Saýd Arabıasymen shekaralas jatqan Reza qalasynda ornalasqan. Málimetterge qaraǵanda jarylystan 5 adam qaza taýyp onshaqtysy jaraqat alǵan. Aıta ketý kerek, bul soǵys aımaǵynda ornalasqan emhanalardyń birinshi ret shabýylǵa ushyraýy emes. Byltyr qazan aıynda da eki birdeı emdeý ǵımaratyna qastandyq jasalǵan edi.

Tereza Sankrıstoval, «Shekarasyz dárigerler» uıymynyń menedjeri:

- Aýrýhanamyzǵa osymen úshinshi ret shabýyl jasalyp otyr jáne bul aımaqta bizge ǵana emes, ózge de emhanalar qırap jatyr. Qaza tapqan 5 adamnyń ekeýi medısına qyzmetkeri edi. Al qalǵandary naýqastar men kútýshiler. Olar shabýyl jasalǵan ýaqytta ǵımarat ishinde bolǵan.