Gıdrometeorologıalyq qamtamasyz etý QR Qarýly kúshterinde jedel aqparattandyrýdyń bir túri bolyp tabylady.  Bul málimetter áskerı tehnıkany tıimdi qoldaný, ártúrli is-sharalardy oryndaý úshin aýa raıy jaǵdaıyn paıdalaný úshin qajet. Bul týraly "Qamshy" portaly QazAqparatqa silteme jasap habarlaıdy.

Qarýly kúshterdi gıdrometeorologıalyq aqparatpen qamtamasyz etý úshin arnaıy basqarma quryldy.

Sońǵy onjyldyqta birqatar qarýly shıelenisterde qarýlanýdyń sapaly turǵydaǵy jańa quraldary negizinde kúresýdiń jańa úlgileri iske asyryldy. Oqshaýly soǵys pen qarýly janjaldardyń taldaýy joǵary dáldiktegi qarý men oraǵytylǵan jaýyngerlik is-qımyldar dáýirinde qarý-jaraq pen áskerı tehnıka úzdiksiz jetildirilip turatynyn kórsetedi. Alaıda, olardy qoldanýdyń tıimdiligi kóbinese gıdrometeorologıalyq jaǵdaılarǵa baılanysty bolady. Osyǵan oraı, áskerlerdi  gıdrometeorologıalyq qamtamasyz etý máseleleriniń mańyzdylyq dárejesi ulǵaıýda.  

Qazaqstan Respýblıkasynyń qorǵanys qabilettiligin nyǵaıtý máseleleri eń aldymen, jańa tehnologıalardy engizýmen tikeleı baılanysty. Gıdrometeorolog áskerı qyzmetshiler Qarýly kúshteri gıdrometeorologıalyq bólimsheleriniń jasaqtalýyn baqylaıdy, meteorologıalyq málimetti jınaıdy, taldaıdy jáne áskerlerge taratady, avıasıalyq oqıǵalardy, teńizde júzý jáne keme qatynasynyń qaqtyǵystary men qaýipsizdigin tergep-tekserýge qatysady, sondaı-aq QR QK-niń  gıdrometeorologıalyq bólimshelerinde ǵylymı-ádistemelik jáne ónertapqysh jumysty júrgizedi, dep habarlady QR QM baspasóz qyzmeti.