Aldyn ala habarlanǵandaı, búginnen bastap Almatydaǵy barlyq qoǵamdyq kólikter (metrodan basqa) «Ońaı» elektrondy bılettendirý júıesine tolyqtaı kóshti. Alaıda, turǵyndardyń túgeldeı elektrondy karta almaýyna baılanysty avtobýstarda túsinispeýshilikter oryn alýda, - dep habarlaıdy «Qamshy» portaly.

Tań sáriden almatylyq avtobýstar kondýktorsyz jáne valıdator qurylǵylarynsyz reıske shyqty. Jol aqysy úshin qolma-qol esep aıyrysý alynyp tastalǵan soń, qoǵamdyq kólikterdegi jolaqy tóleý júıesin baqylaýshylar sany da artyp, árbir aıaldamadan qylań berýde.

Alaıda, qoǵamdyq kólikti paıdalanýshylardyń birshamasy «Ońaı» kartalaryn alyp úlgermegendikten, kóp jolaýshy jolaqysyn qalaı tóleýdi bilmeı dal bolýda. Keıbir avtobýs júrgizýshileri kartasy joq jolaýshylardan qolma-qol aqsha jınaýda. Alaıda, jolaýshylarǵa jolaqysyn tólegendigin rastaıtyn eshbir bılet ne qujat berilip jatqan joq. Sonaı-aq, jolaýshylar jekemenshik avtoparkterge qarasty avtobýstardyń keıbirinde burynǵy kondýktorlar áli qyzmet kórsetip júrgenin aıtýda.

Buǵan deıin «Almaty kólik holdıńi» kásipornyndaǵylar kartamen tólem jasamaǵan jolaýshylardy polısıa shaqyrtyp, ákimshilik jazaǵa tartatyndyqtaryn habarlaǵan edi. Alaıda, búgindikke, ondaı oqıǵanyń tirkelgendigi týraly resmı málimetter jarıalanbady.shy

"Qamshy" portaly atalǵan júıeni qoldanysqa engizýde týyndaýy múmkin qıyndyqtar týraly buryn da jazǵan edi.