Qytaıdaǵy Shyńjań uıǵyr avtonomıaly óńiri ekige bólinedi, - dep habarlaıdy «Qamshy» portaly eldiń Caijing agenttigine silteme jasap. 

Pekın ortalyq partıa komıtetiniń qabyldanǵan jańa ákimshilik-terrıtorıalyq  josparyna saı SHUA Ońtústik Shyńjań jáne Soltústik Shyńjań óńirleri bolyp qaıta qurylmaq. Soltústik óńirge Úrimji, Turpan, Qaramaı, Qumbyl qalalary men Sanjy oblysy, İle-qazaq avtonomıaly oblystary kirip, ortalyǵy Úrimji qalasy bolyp belgilengen. Al, Ońtústik óńirge Aqsý, Hotan, Qashǵar, Qyzylsý oblystary enip, ortalyǵy bolyp Qashǵar qalasy bekitildi.

Shyńjańnan basqa Qytaıdyń taǵy 27 ólkesi ákimshilik-aýmaqtyq ózgeriske ushyrap otyr. Sonymen, burynǵy 32 ólke jańa ózgeristerden soń 50 ólke bolyp qaıta qurylymdanyp otyr. Atalǵan ózgerister aldaǵy eki jyl ishinde júzege aspaq.