Jańa jyldan bastap elimizde áskerı qyzmetshiler tolyqtaı memlekettik zeınetaqymen qamyzdandyrýǵa kóshirilgeni týraly habarlanǵan edi. Endi osy júıeniń qalaı júzege asatynyn QR Qorǵanys mınıstrligi zeınetaqymen qamtamasyz etý ortalyǵynyń basshysy Janat Demeýov túsindirip berdi, - dep habarlaıdy «Qamshy» portaly newtimes.kz- ke silteme jasap.
Onyń aıtýynsha, 1998 jyldyń 1 qańtarynan keıin áskerı qyzmetke kirisken áskerı qyzmetshiler osy ýaqytqa deıin jınaǵan zeınetaqy jınaqtarynyń 50 paıyzyn memleketke aýdarady.
«Osy ýaqytqa deıin qorǵanys mınıstrligi zeınetaqy qorlaryna, keıin BJZQ-ǵa 86 mıllıard teńge jarna aýdarǵan. Endi áskerı qyzmetshiler óz zeınetaqy shottarynda jınalǵan jınaqtardyń jartysyn memleketke aýdarady. Jartysy áskerı qyzmetshi zeınet jasyna tolǵanda tolyqtaı sheship ala alady», - deıdi J. Demeýov.
