Almaty oblysynyń Eskeldi aýdanynda bes oqýshy qyz júkti bolyp qalyp, ana bolýǵa daıyndalyp jatyr, - dep habarlaıdy «Qamshy» portaly "31 arna"-ǵa silteme jasap.

Oqýshy qyzdardyń júktiligi prokýrorlardyń medısınalyq esepterdi tekserýinen keıin belgili bolǵan. Bir aıta keterligi, esepke alynǵan "bolashaq analardyń" basym bóligi ógeı ákeleriniń tárbıesin kórgender eken.

Bul oblysta tirkelgen resmı derekter. Mundaı jaǵdaılardyń bizge belgisizi qanshama? Dárigerler óz kezeginde erte bastan jynystyq qatynasqa túsýdiń saldary aýyr bolatynyn aıtyp otyr - bul aldyn alý sharalaryn júrgizbegen mekteptiń jáne jasóspirimderdi qaraýsyz qaldyryp, jynystyq tárbıe bermegen ata-analardyń kinási delinedi. 

Eskeldi aýdandyq prokýrorlar taǵy da bir tańǵaldyrarlyq statısıkany jarıa etti - kámeletke tolmaǵandardyń seksýaldyq mándegi 10 aktisniń bireýi óziniń ógeı ákesimen bolǵan. 

"Mundaı otbasylar erekshe baqylaýǵa alyndy. Sonymen qatar, prokýratýradaǵylar kámeletke tolmaǵandarmen jynystyq qatynasqa túsýdiń jaýapqa tartylatyny týraly aıtyp, eskertý jasady", - dep habarlaıdy telearna.