Shymkentte aǵaıyndy eki jigit biriniń qaıyn atasyn uryp óltirgen. 52 jastaǵy turǵynnyń jansyz denesin kórshileri taýyp alǵan, -dep habarlaıdy «Qamshy» portaly OQO İİD-i baspasóz qyzmetine silteme jasap.

Ál-Farabı aýdandyq ishki ister basqarmasynyń qyzmetkerleri shuǵyl izdestirý sharalaryn júrgizip nátıjesinde osy iske qatysy bar degen kúdikpen marqumnyń kúıeý balasy men onyń aǵasyn ustaǵan. 1987 jáne 1989 jyldary týǵan aǵaıyndy jigitter sol kúni tańerteń jábirlenýshiniń úıine, ıaǵnı úlken aǵasynyń qaıyn atasyna qonaqqa barǵan. İshimdik iship alǵan jigitter sózge kelip qalady. Onyń sońy tóbeleske ulasqan. Dúrdarazdyq kezinde qylqyndyryp, jerge qulaǵan azamatty ekeýi jabylyp aıaýsyz uryp-soqqan. Aýyr dene jaraqatyn alǵan qala turǵyny óz úıinde jan tásilim etken.

Kúdiktiler oqıǵa ornynan izin jasyryp úlgergen. «Qazirgi tańda aǵaıyndy jigitterge qatysty qylmystyq is qozǵaldy», - deıdi OQO İİD baspasóz ortalyǵyndaǵylar.