Prezıdenttiń baspasóz hatshysy Dáýren Abaev Májiliske merziminen buryn saılaý ótkizý týraly sheshim ázirshe qabyldanbaǵanyn aıtty, - dep habarlaıdy "Qamshy" portaly Tengrinews.kz -ke silteme jasap.

"Árıne, depýtattardyń Májilisti taratyp, saılaýdy merziminen buryn ótkizý týraly bastamasyn Prezıdent biledi. Osy másele boıynsha sheshim ázirshe qabyldanǵan joq, sebebi muny jete saraptaý kerek. Menińshek, Nursultan Nazarbaev, birinshi kezekte, oń men teris jaqtaryn ólshep, qoǵamnyń kóńil-kúıin jáne eldegi jaǵdaıdy esepke alady. Sonymen qatar, Konstıtýsıanyń talaby boıynsha, Memleket basshysy Parlamenttiń eki palatasynyń da spıkerlerimen jáne Premer-mınıstrmen keńes ótkizedi. Osydan keıin ǵana qorytyndy sheshimdi bilemiz", - delingen Dáýren Abaevtyń aqparat agenttikterinen parlamentke kezekten tys saılaý ótkizý týraly másele jaıly kelip túsip jatqan saýaldaryna bergen jaýabynda.