«Aqjol» saıası partıasy fraksıasy atynan Parlament Májilisiniń depýtaty Azat Perýashev parlament saılaýyn merziminen buryn ótkizý qajettigi týraly pikirin bildirdi, - dep habarlaıdy "Qamshy" portaly.
«Ulttyq bıznestiń partıasy retinde biz besinshi shaqyrylymdaǵy QR Parlamenti Májilisin taratyp, merziminen buryn saılaý ótkizýdi qoldaımyz», - dedi ol.
Onyń aıtýynsha, bul qadam Prezıdenttiń bes reformasy men daǵdarysqa qarsy strategıasyn tolyqqandy jáne senimdi júzege asyrý úshin halyqtyq senim mandatyn alatyn jańa Parlament jasaqtaý úshin qajet.
«Qıyn-qystaý kezeńde Parlamentte qandaı partıalar ári qaraı jumys isteý kerek ekenin halyqtan surap kóreıik! Merziminen buryn parlament saılaýy bizge erteńgi kúnge senimdi bolý úshin aýadaı qajet. Bıznes pikirtalastarǵa alańdamaı jumys istegisi keledi, sondyqtan biz Memleket basshysyna úndeý joldap otyrmyz», - dep atap ótti depýtat.
