Qazaqstandyq zańgerler Elbasynyń  QR Parlament Májilisi depýtattarynyń merziminen buryn saılaýyn taǵaıyndaý týraly Jarlyǵyn qoldaıdy. Bul týraly Almatyda QR Prezıdenti janyndaǵy Ortalyq komýnıkasıalar qyzmetinde ótken brıfıńte «Zańgerler - ádil saılaý úshin» respýblıkalyq qoǵamdyq birlestigi basqarmasynyń tóraǵasy Ómiráli Qopabaev málim etti.  

Negizgi mindeti saılaýdy uıymdastyrý jáne ótkizý boıynsha monıtorıń júrgizý bolyp tabylatyn birlestik basshysynyń aıtýynsha, Májilis jáne barlyq deńgeıdegi máslıhattar saılaýyna baqylaý júrgizýdi, azamattar men bıliktegilerdiń arasyndaǵy baılanysty nyǵaıtýdy elimizdiń zańgerleri paryz dep sanaıdy.

Qoǵamdyq birlestik tóraǵasy sondaı-aq Qazaqstanǵa jahandyq syn-qaterlerdi eńserýge múmkindik beretin naqty jospardy sátti iske asyrý Májilistiń jańa quramynyń enshisinde ekenin atap ótti.

 «Zańgerler - ádil saılaý úshin» qoǵamdyq birlestigi merziminen buryn Májilis jáne máslıhat saılaýyna belsene qatysyp, olardyń zańnyń sheńberinde jáne ádil, ashyq  ótýine baqylaý jasaýǵa daıyn. Biz saılaý prosesine obektıvti baqylaý jáne qoǵamdyq monıtorıń jasap, oǵan qatysýshylarǵa jáne memlekettik organdarǵa keńes beremiz», - dep túıindedi Ó.Qopabaev.