2016 jyldyń 22 qańtarynda ál-Farabı atyndaǵy Qaz UÝ-dyń Shyǵystaný fakúltetinde fakúltet túlegi, «Qazaqstan temir joly UK» AQ-nyń QHR men Ońtústik Shyǵys Azıa elderi ókildiginiń jetekshisi, ǵalym Amanjol Ibragımovtyń halyqaralyq júk tasymaly salasyna arnalǵan orys-qytaı sózdigi anyqtamalyǵynyń tusaýkeseri boldy, - dep habarlaıdy «Qamshy» portaly.
Ál-Farabı atyndaǵy Qazaq Ulttyq ýnıversıteti shyǵystaný fakúltetiniń burynnan qalyptasqan izgi dástúrleriniń biri – stýdenttter men magıstranttarǵa jan –jaqty bilim berýmen qatar adamgershilik, otansúıgishtik qasıetter, ana tiline, týǵan jerge, salt-dástúrlerimiz ben ádet –ǵuryptarymyzǵa degen mahabbat sezimin uıalatý. Sebebi bilim berý men tárbıeniń negizgi mindeti - óz eliniń azamaty, patrıotyn tárbıeleý bolsa, osyǵan sáıkes «qazaqstandyq patrıotızm men ulttyq patrıotızm» stýdentterdiń tárbıelik deńgeıin baǵalýdaǵy eń joǵarǵykórsetkishterdińbiri bolyp tabylady. Osy baǵytta bizdiń qytaıtaný kafedrasyny ujymy bıylǵy oqý jylynyń basynan-aq elimizdegi beldi ǵalymdar, qoǵam jáne mádenıet qaıratkerlerimen kezdesý ótkizýde. İzgilikke toly sondaı jaqyn kezdesýlerdiń biri - 2016 jyldyń 22 qańtarynda fakúltetimizdiń túlegi, «Qazaqstan temir joly UK» AQ-nyń QHR men Ońtústik Shyǵys Azıa elderi ókildiginiń jetekshisiAmanjol Ibragımovpen bolǵan kezdesý edi. Bul ótkizilip otyrǵan sharanyń jáne de bir maqsaty- kafedra túlekterin jumyspen qamtý maqsatynda sheteldeqyzmet etip jatqan otandyq kompanıalardyń ókilderimen kezdestirý, olardyń jumysqa qabyldaý tártibimen talaptaryn tanystyrý. Halyqaralyq júk tasymaly salasyna arnalǵan orys-qytaı sózdigi anyqtamalyǵynyń oqý úderisinde jáne jumysta qoldaný qundylyǵymen tanystyrý.
Ǵylym men kásibin birdeı ushtastyra bilgen zamandasymyz- Amanjol Ibragımov halyqaralyq júk tasymaly salasyna arnalǵan orys-qytaı sózdigi anyqtamalyǵynyń tusaýkeserin de ózi oqyp bilim nárimen sýsyndaǵan qara shańyraǵy- ál-Farabı atyndaǵy Qaz UÝ-dyń Shyǵystaný fakúltetinde ótkizýiniń ózi de kóńilge nur uıalatady.Qazaq – keń jazıra dalasyndaı darqan minezi,baýyrmaldylyǵy kózinde tunyp turǵan, júreginen kórinip turǵan, ultjandyǵy ishinde uıyp jatqan keń halyq. Qazirgi tańda búkil bilim berý júıesi arqyly osy qasıetterdi jarqyrata otyryp syrtqa shyǵaryp, joǵarǵy dárejege kóterý qajet, ol úshin sapaly patrıottyq tárbıe kerek. Bul syrttan ǵana keletin áser emes, tereńnen órbıtin, qalyptasatyn asylqasıet. Ol qazaq mentalıtetiniń sandaǵan ǵasyrlar boıy qalyptasyp kele jatqan halyqqa tán sana-sezimmen, ózindik tanymmen kelgen oılaý nátıjesi.Mundaı asyl qasıetterdi jastarymyzdyń boıyna tereńinen qalyptastyrýda elimizdegi beldi qaıratkerlermen kezdesý ótkizip, salıqaly suqbat uıymdastyrýdyń mańyzy zor dep bilemiz.
Qytaıtaný kafedrasynyń arnaıy qonaǵy bolǵan túlegimiz – A.Ibragımov stýdentter men magıstranttarǵa óz ómiri men eńbek joly, ýnıversıtet qabyrǵasynda ótken stýdettik ómiri týrasynda qysqasha toqtalyp ótip, halyqaralyq júk tasymaly salasyna arnalǵan orys-qytaı sózdigi anyqtamalyǵynyń oqý úderisinde jáne jumysta qoldaný qundylyǵymen tanystyryp ótti. Sondaı-aq A. Ibragımov qazirgi tańda elimizdegi úsh túrli kókeıkesti máseleni kóterip ótedi - ana tiliniń deńgeıin kóterý, básekelestiktiń asaý tegeýrinine tótep bere alatyn joǵarǵy deńgeıdegi kásibı maman daıarlaý jáne jastar boıynda ultjandylyq qasıetterdi bolashaq urpaq boıyna tereń sińirý. « Bizdiń tarıhymyz týraly qundy derekter qytaı tilindegi jazbalarda kóp saqtalǵan, sondyqtan biz kórshiles jatqan halyqtyń tilin jatyq meńgerip, óz tarıhymyz týraly málimetterdi tek shetel ǵalymdarynyń eńbekteri arqyly ǵana emes, óz múmkindikterimizdi, bilimimizdi paıdalana otyryp, tikeleı aýdarma jasaý arqyly zertteýimiz kerek. Alaıda ózge ulttyń tilin de jetik meńgerý úshin,eń aldymen tól tilimizdi qurmettep, týǵan tilimizdiń mártebesin joǵary ustaýymyz kerek, óz mádenıetimizdi, dástúrimizdi qurmetteýimiz kerek»- dep basa kósetti. Amanjol Ibragımov qıyndyǵy men qyzyǵy qatar júretin aýdarmashylyq qyzmet týraly,joǵarǵy bilikti aýdarmashynyń qandaı qasıettedi óz boıyna sińirý kerektigi jóninde syr shertti. Ár mamannyń óz salasyn sheber meńgerýi nátıjesinde qoǵamymyzdyń gúldene túsetinine erekshe toqtalyp ótip, stýdentter men magıstranttardy óz isiniń bilikti mamany bolýǵa ári óz eliniń ultjandy azamaty bolýǵa shaqyrdy. Ózininińjúk tasymaly salasyna arnalǵan orys-qytaı sózdigi anyqtamalyǵynyń tusaýkeserinde seksen sózdikti stýdentter men oqytýshylarǵa syıǵa tartty. Kezdesý barysynda stýdentter men magıstranttar kókeıde júrgen suraqtar men saýaldaryn qoıyp otyrdy, sońynda A.Ibragımov ózi jazǵan« Stýdentterge» dep atalatyn óleń shýmaqtarymen kezdesýdi ádemi aıaqtady. Mundaı is-sharalardyń bári keleshek jas urpaqty patrıottyq jáne ınternasıonaldyq rýhta tárbıeleýdiń qajettiligin qamtamasyz etedi. Osyndaı is –sharalardy ótkizýde fakúltet dekany, profesor Jubatova Baıan Nursultanqyzy jáne qytaıtaný kafedrasynyń meńgerýshisi profesor Nábıjan Muqamethanuly árdaıym jan-jaqty qoldaý kórsettip otyrady.Qazaqstan Respýblıkasynyń bilim berý jańa baǵdarlamasynda, qoǵamnyń, búgingi kúngi talaby aldaǵy ýaqytta da árbir adamdy Otanyn súıýge, týǵan jerin qurmetteýge, ata-babanyń ozyq salt-dástúrleriniń qundylyǵyn maqtanysh tutýǵa, álemde halyqtar arasyndaǵy beıbitshilik úshin dostyqty nyǵaıtýǵa baǵyt berýde talmaı eńbek etýdi qajet sanaıdy. Osyndaı baǵyttardy sheber ushtastyra otyryp, bizdiń shyǵystaný fakúlteti ári qaraıǵy izgilik pen taǵylymǵa toly is –sharalar aıasyn ulǵaıtyp, qoǵam ómiriniń kemeldene túsýine tamshydaı bolsa da óz úlesterin qosyp keledi. Sóz sońynda jastarymyzdyń rýhanı álemin asqaqtatýǵa septigin tıgizetin mundaı ıgilikti is-sharalar kóbeıe berse eken dep tileımin.
Aıda Kenjebaeva
Ál-Farabı atyndaǵy QazaqUÝ Shyǵystaný fakúlteti qytaıtaný kafedrasynyń dosenti
