Qazir Qazaqstanda oralman degen qaýym bar . Táýelsizdigimiz aman bolsa jáne ony bekemdeımiz desek, bul qaýym budan bylaı kóbeımese azaımaıdy.
Sońǵy kezderi osy oralmandar týraly " oralman " demeý kerek, " Qandas"deý kerek, "Alash"deý kerek, "Baýyrlas"deý kerek degen syńaıly pikirler kóp aıtylyp júr.Al Men sál ózgesheleý oılaımyn:
Járáıdi, solaı ataıyq, ne ózgeredi sońda? Qoǵamdyq ornyń, mártebeń durys bolmasa, seni olaı dep ataǵannan ne paıda? Tipti "Basy altyn , kóti kúmis"dep atasańda, kirme qurly mártebeń, syıyń bolmasa ,elge kúlki, kózge túrtki bolǵanyń bolǵan emespe?__"Oıbaı, basy altyn, kóti kúmis bireýler kele jatyr"_ dep .
Ras,Oralman degen ataý osy shetelden kóship kelip jatqan qazaqtyń bárine birdeı dúp kelmeıtini shyndyq. Basqany aıtpaǵanda , myna turǵan Táshkent Qaz ASSR alǵash qurylǵanda qazaqtyń jeri edi. Qazaqta sóz barǵoı: "Atańnyń basy barma edi?"_deıtin. Bar.Tóle bı atamyzdyń basy jatyr onda. Endi sol ata - babasynan beri Táshkentte turyp kele jatqan,sońda týyp, sonda ósken qazaq qazaqstanǵa kelse oralman dep, oraldy dep aıtý tike maǵnada qısynsyzdaý árıne. Dese de, Osy bir shetelden kelip jatqan qaýymdy áıteý ne dep bolsada bir ataýmen ataý kerek qoı. Solaı eken dep bir sózge jarmasyp alyp,sony dyńǵyrlata bergennen góri , sol oralmannyń qoǵamdyq, saıası mártebesin kóterýdi kóbirek oılasaqpa deımin. Oralmannan parlementte depýtatymyz bolsyn, sózimizdi sóıleıtin. Orynbasary bolsada bir mınıstrimiz bolsyn isimizdi atqaratyn. Oblys, Aýdan Aýyldarda aratura bolsada ákimimiz bolsyn.Kúndelikti turmysymyzdan bolmasada, aıyna aptasyna as aýqatymyz ben hal kúıimizden habar taýyp, jón siltep otyratyn jergilikti máslıhattarda depýtattymyz bolsyn. Sýdıa bolsyn, Prokýror bolsyn, dırektor bolsyn degendeı.
Qazaqstan Qazaqstan bolý úshin qazaq kerek. Al, qazaq qazaq bolý úshin Qazaqstan kerek. Kerek boldy shaqyrdyq, kerek boldy keldik. Endigi keregi: Birge ósip, bite qaınasyp,memleketimizdiń odan ary gúldenip kórkeıiýi úshin at salysý. Elimizdiń bolashaǵy úshin tize qosa eńbek etý,kúresý. Memlekettiń mindeti – óz halqyn tárbıeleý. Halyqtyń mindeti memleketin qoldaý,qorǵaý. Sondyqtan óz basym oralman deı ma, basqa deı ma bári bir. Eń birinshi qoǵamda ornyń, saıasatta bedeliń bolsyn.
Kapar Akhat-tyń Feısbýktegi paraqshasynan alyndy
