Osyndaǵy biraz aǵaıynnyń habary bar, men ótken jyldyń tamyz aıynda jyl sońyna deıin on eki mıllıon teńge tabys tabamyn dep jurtqa jarıa etken bolatynmyn. Sol sózime sál keshigip jaýap berip jatyrmyn. Óıtkeni sońǵy eki aıda Qytaıda bolyp, elge endi ǵana jetip otyrmyn. Kózdegen mejege jýyqtadyq, týra jetkize alǵan joqpyn. 2015 jyldyń sońyndaǵy taza tabys 9 100000 (Tońyz mıllıon bir júz myń teńge) boldy. Negizinde asyryp oryndaýǵa múmkindik bar edi, shamamyz kelgenshe áreket jasadyq. Jetpeýimiz, marketıń pen menedjmentten emes,teńgemizdiń kún saıyn qunsyzdanyp, syrtpen jumys jasap otyrǵan bizge aıtarlyqtaı áser etkendikten. 
Tabysymdy qaı jaqqa jumsaıtynymdy da jazǵam. Sol aıtqandaı bir bóligine Almaty irgesindegi Álmerek aýylynan úı saldym, bir bóligin kásiptiń aınalymyna jumsadym. Qazir «Avtomoda» respýblıkanyń avtojabý naryǵynda birden-bir tanymal kompanıaǵa aınaldy. Jeltoqsan aıynan bastap Qytaıdaǵy qandastarǵa da satylymǵa shyqty. Úrimji qalasynan «Nur-bolashaq» atty kompanıa tirketip, jeke keńsemizdi ashtyq. Ol jaqtaǵy qandasta da yqylaspen qabyldap, jaqsy tabys ákelip otyr. Endi Qazaqstanǵa tigin óndirisin alyp kelýge jumys jasap jatyrmyz. Alla qalasa bıylǵy jyl «Avtomoda» otandyq óndiristiń qataryna qosylady. 
Sózimniń quny qazaqtyń bir azamatynyń kásip bastaýyna qarajat berý bolatyn. Endi ýádemde turyp Astanada turatyn, bel omyrtqasynan mertikken múgedek baýyrymyz Murat Sarmanov baýyrymyzǵa qarjylaı kómektesemin, ári bilgenimdi úıretip, tájirıbemmen bólisemin. 
Qazir tek avtojabý emes, kásiptiń basqa túrlerin de qolǵa alyp bastadyq. Ýaqyty kelgende bile jatarsyzdar. 
«Avtomodanyń» qysqa ýaqyttyń ishinde eki memlekette jumys jasaıtyn tabysty kompanıaǵa aınalýyna Bıznes bastaý kásipkerlik mektebi men onyń jetekshisi Ahmetbek Nursıla aǵamyzdyń eńbegi aıryqsha. BB komandasynyń árbir mushesi úlesin qosty. Ahmetbek aǵa ózi únemi bilgenin úıretip jetelep otyrdy. Sonymen qatar, bizdiń 11 qaladaǵy seriktesterimizdiń eńbegi, bizge senim artty, qarajatsyz kásip bastaýǵa múmkindik berip aqshasyn saldy, eshqaısysy zıanǵa ushyraǵan joq. Qazir jasyratyny joq keıbir oblystar joǵary tabyspen jumys jasaýda, keı oblystarda tómen bolyp otyr. Biz aldaǵy ýaqytty barlyq seriktesterimizdiń joǵary tabys tabýyna múmkindik týǵyzamyz. Aýyr ekonomıkalyq jaǵdaı kezinde de senim artyp, bizben birge bolǵan azamattardyń eńbegin umytpaımyz. 
Sóz sońynda aıtaıyn degenim, bastysy mol aqsha tabý emes, ýaqytyńydy tıimdi paıdalanyp jınaıtyn bilim men tájirıbe. Bıylǵy jylda mejemiz úlken, ony da aldaǵy ýaqytta jarıalaı jatarmyz. Ótken jylǵa qaraǵanda múmkindikter kóbeıip, az da bolsa tájirıbe jınadyq. Jalpy men Bıznes bastaý ult ekonomıkasynyń tynysyn ashatyn jańa býyndy tárbıelep jatyr dep esepteımin.

Qumar Jumahannyń "Feısbýktegi" paraqshasynan alyndy.