Teńgeniń quny túskeninen góri, Májilistiń besinshi shaqyrylymyndaǵy depýtattardyń mezgilsiz oryndarynan ketkeni kóp áńgime bop ketti bul kúnde. Qaısysynyń qunyn qaısysy túsirdi bilmeımin, biraq, endigi otyratyn kisilerdiń baǵasy qandaı, salmaǵy bar ma, sózi aýyr ma, quny bar ma degen másele ótkir bolyp tur. Nege ótkir bolmasyn, Úkimetke sózi ótetin, atqa minip alshańdaǵan kez-kelgendi atynan túsire alatyn, mingize de alatyn solar tursa. Eks-ákimder men Elbasyǵa kóńili jaqyndar tolyp otyrǵan Senatty bylaı qoıa tursam, Májiliske endi kimder saılanady degen suraq meniń de basymdy aýyrtyp jatyr. Aýyrtpaı she, belgisiz bireýler, bedelsiz ártis, túsiniksiz ánshi, ataǵy bar sportshyny da solaı súıremekpiz, aıtary bar azamattar sonda úıinde otyryp, anaý "ónerpaz" depýtattardyń Parlamenttegi konsertin kórmek pe?...

Erlan Tóleýbaıdyń «Feısbýktegi» paraqshasynan alyndy