Gennadıı Golovkınniń Astanada ótken baspasóz máslıhaty elordadaǵy tilshilerdiń mansap jolyndaǵy eń bir erekshesi bolǵan shyǵar. Aty ańyzǵa aınalǵan boksshymen júzdesip, suraqtar qoıyp, oǵan jaýap estigisi kelgender kóp boldy. Muny tipti tilshiler ǵana emes, kezdesý zalyna lyqa tolǵan adamdardyń árqaısysy da qalaǵan shyǵar. Alaıda, aqparat agenttikteri bul baspasóz máslıhatynan sumdyq delingen habar shyǵara almady. «Qamshy» portaly sportshynyń Tengrinews.kz jáne Vesti.kz saıttarynyń jýrnalıserine bergen eksklúzıvti suhbatyn nazarlaryńyzǵa usynady.
TENGRINEWS: Gennadıı, baspasóz máslıhatynda sizge IBF mindettegen kelesi qarsylasyńyz Domınık Ýeıd jaıly suraq qoıyldy. Biraq siz onyń kim ekenin de bilmeıtinińizdi aıttyńyz. Siz shyn máninde onyń kim ekenin bilmeısiz be, álde tilshiniń suraǵyn durys túsinbedińiz be? Álde IBF-tyń sizdi onymen judyryqtasýǵa mindettegeni jaıly málimet shyndyqqa janaspaı ma?
Gennadıı Golovkın:
Shyndyqqa janasa ma, joq pa - ony aıta almaımyn. Budan habarym joq. Eger maǵan telefon soǵyp, "Gennadıı, bul IBF-ten, biz sizge qarsy shyǵatyn úmitkerdi aýystyrdyq" dese... Ol qarsylas emes, ol úmitker. Belgili bir reıtıń bar. Bul reıtıńte birinshi turdy ma... Eske salyp jiberińizdershi? Djons, Djonson.
TENGRINEWS: Týreano Djonson.
G. Golovkın:
Iá. Estýimshe, ol jaraqat alypty. Kelesisiniń kim bolatynyn bilmeımin. Múmkin aty atalyp jatqan jigit shyǵar.
TENGRINEWS: Baspasóz máslıhatynan bir túsingenimiz, Korobovpen de kelissóz júrgizilmegen be? Sebebi ol da kezdesýge kelisip otyrǵanyn málimdep úlgerdi.
G. Golovkın:
Kelisim berdi? Boks álemin elestetip kórińizdershi. Qanshama adam kelisim beredi!
TENGRINEWS: Biraq siz týraly málimettiń negizgi bóligi shetel aqparat quraldarynan keledi. Sizderde shyn máninde ne bolyp jatqanyn bilý qıyndaý.
G. Golovkın:
Matveı Korobovtyń sapta ekenine, judyryqtasýǵa daıyn ekenine qýanyshtymyn. Onymen tanystyǵym bar, sondyqtan qýanyshtymyn. Jaqsy jigit, jaqsy sportshy. Onyń sapta ekendigine qýanyshtymyn, sebebi onyń jeńilisteri de, jeńisteri de boldy.
TENGRINEWS: Jyldyq josparlaryńyzdaǵy kóp aıtylǵany - Saýl Alvareske qarsy jekpe-jek. Osy jaıly tolyǵyraq bilgimiz kelip otyr. Alvares sizden "qashyp júr" - komandasy túrli aıla-sharǵy jasap júr, belgili bir sharttaryn qoımaqshy. Osy jekpe-jek úshin bárine de daıynsyz ba? Salmaq qýý, gonorar, jekpe-jekti ótkizý orny? Meksıkada judyryqtasýǵa daıynsyz ba? Eger Alvares osylaı qashyp júre beretin bolsa qansha kútýge daıynsyz?
G. Golovkın:
Joq, menińshe, bul onyń sharttary nemese oılary emes. Bul onyń oılary emes. Bul menedjmenttiń oılary, onyń promoýshniniń oılary. Osylaısha olar óz jigitin jarnamalaıdy, osylaısha óz kompanıalaryn jarnamalaıdy. Osylaısha ózderin myqty qylyp kórsetkisi keledi... Al bul jekpe-jek ótedi! Bul pıar-júris, olar meniń tipti de tegin judyryqtasatynymdy jáne taǵy sol sıaqty bir jaǵdaılardy aıtýy múmkin. Iaǵnı munyń barlyǵy kompanıalarynyń pıar-júrisi.
TENGRINEWS: Sonda bul máselede sizdiń ustanymyńyz qandaı?
G. Golovkın:
Naǵyz ustanym. Eger qalasa, judyryqtasamyz. Sebebi men daıynmyn.
TENGRINEWS: 155 fýntqa deıin túsýge daıynsyz ba?
G. Golovkın:
Biz qandaı salmaq jaıly aıtyp otyrmyz jalpy? Men bilmeıdi ekenmin...
TENGRINEWS: 155 fýnt salmaǵy, bul jaıynda Alvarestiń komandasy sizben jekpe-jek ótkizýiniń sharty retinde aıtyp otyr.
G. Golovkın:
Sizderde onyń promoýshni jasap otyrǵan pıar-júrisi jáne shıelenis jasaǵan málimetteri ǵana bar.
TENGRINEWS: Iaǵnı jekpe-jek 160 fýntta ǵana bola ma?
G. Golovkın:
Iá. Ereje bar.
TENGRINEWS: Jalpy Alvarespen qarym-qatynastaryńyz qalaı? Ol rıngte kezdesken kezderińizde úziletin dostyq jaıly aıtyp qaldy. Dossyzdar ma?
G. Golovkın:
Qarapaıym qarym-qatynas. Adamgershilik qarym-qatynas. Rıngke shyqsaq, kásibı sportshy bolatynymyz belgili. Biz jaý bolmaımyz, biz kásibı sportshy bolamyz.
TENGRINEWS: WBC saıasaty jónindegi ustanymyńyzdy bilsek dep edik. Búkilálemdik boks keńesiniń belgili bir maǵynada "ózderine jaǵatyn" adamdaryn lobbıleýi týraly da aıtylyp qaldy - Alvarestiń jaǵdaıynda da osylaı, oǵan aralyq salmaqtarda tıtýlyn qorǵaýǵa múmkindik berý nemese tıtýldy qorǵap qalýyn keıinge shegerý jaǵdaıy. Buǵan qarsy shyǵýǵa bola ma? Jalpy qarsy shyǵýdyń qajeti bar ma?
G. Golovkın:
Bilmeıtinder ǵana synaıdy. Málimeti joqtar ǵana synaıdy. Barlyǵy berilgen ruqsattyń aıasynda. Munyń bárin quqyq jóninde túsindirýge bolady.
TENGRINEWS: Sonda bolyp jatqannyń barlyǵy ádil me?
G. Golovkın:
Iá. Bilmeıtinder ǵana synaıdy. Muny bilmeıtin, jaǵdaıdan habary joq adamdar, ol adamdy bilmeıtinder, jaǵdaı jaıly málimeti joqtar. Olar tek negatıv jaıly aıtady, sosyn ony jazady, bul - uıat.
TENGRINEWS: Al munyń jáı ǵana shıelenistirý ekenin qaıdan bilýge bolady? Qazaqstanda shyn máninde sizdiń jaǵdaıyńyz jaıly málimet óte az.
G. Golovkın:
Iá, kelisemin.
TENGRINEWS: Gennadıı Golovkınmen kezdesý jaılysy az.
G. Golovkın:
Odan da az.
TENGRINEWS: Baspasóz máslıhattarynda da óz isterińiz jaıly jetkilikti degendeı...
G. Golovkın:
Nusqa.
TENGRINEWS: Ustamdy.
G. Golovkın:
Men túsindirip bereıin. Mynadaı bir másele bolǵan: bir bloger bir nárse kórip, bir nárse aıtqan eken. Iaǵnı naqty eshtemesi joq, shamalap, tuspaldap. Maǵan naqty suraqtardyń qoıylǵany unaıdy, is boıynsha qoıylatyndary. Maǵan kásibılik unaıdy. Tilshilermen osyndaı kezdesýler nege bolmaıdy? Taǵy bir kezdesý jasap, balalyq shaǵymda qandaı múltfılmderdi kórgenim jaıly áńgimeleý maǵan túk te qyzyq emes. Naqty bolýy kerek. Men kásibı bokstyń ókilimin. Iá, men Qazaqstan azamatymyn, jeke ómirim bar. Áleýmettik jelilerge degen qyzyǵýshylyǵym - kásibı boks. Suraqtardy naqty másele boıynsha qoıyńyzdar. Kásibı suraqtardy qoıýǵa daıyndalyńyzdar, ótinemin. Dál osy baǵyt - boks - óte qysqa. Ol jaqta bıznes jaıly jáne sol sıaqty máselelerdi aıtýdyń qajeti joq.
TENGRINEWS: Qazaqstanda eń bolmaǵanda bes Golovkın bolsa, baspasóz máslıhattarynda sizge basqa da suraqtar qoıylar ma edi.
G. Golovkın:
Aıtyp otyrǵanym sol - boks taqyrybynda naqty suraqtar qoıyńyzdar. Boks - bul óte qarapaıym - úsh soqqy. Tike, shetten, tómennen. Suraqtar naqty, túsinikti bolýy kerek.
TENGRINEWS: Boks jaıly suraq, kezekti bir qaýesettiń mánin ashyp berersiz. Andre Ýord sizge shyn máninde kezdesý ótkizýdi usyndy ma? Álde bul onyń sózderi ǵana ma?
G. Golovkın:
Men bul adam jaıly tipti de aıtqym kelmeıdi. Tipti eshteńe aıtqym kelmeıdi...
TENGRINEWS: Amerıkalyq BAQ-tar Gennadıı Golovkındi rıngten tys jerde shoý jasamaıdy dep aıyptaıdy - málimdemeler de joq, salmaq ólsheý rásimderinde tóbeles te joq, perfomans ta. Bul sizdi qyzyqtyra ma? Sizge rıngte jasaıtyn shoýyńyz jetkilikti me?
G. Golovkın:
Maǵan sol da jetedi.
TENGRINEWS: Bul sizdiń pıaryńyz bolar ma edi?
G. Golovkın:
Adamdardyń aıtyp jatqandary da jetedi.
TENGRINEWS: Iaǵnı Good boy?
G. Golovkın:
Bul meniń ımıjim emes. Good boy dep múmkindigi zor jas adamdy aıtady. Good boy deı otyryp, sen oǵan "Sen jaqsy balasyń, múmkindikteriń zor, sen jaqsy prospektsiń" deısiń. Osyny aıtyp otyrmyn.
TENGRINEWS: Biraq endi bizde "prospekt" degenniń ne ekenin bilmeıtinder kóp, sondyqtan seni barlyǵy kúlip júrip, bárin uratyn jaqsy jigit dep esepteıdi.
G. Golovkın:
Joq, men is bitkennen keıin "Jaraısyń" dep aıtamyn. Jeńil baǵa beremin, "Iá, jaraısyń, tyrys, múmkindikteriń bar, Good boy" dep qorytyndy jasaımyn. Bul naqtylyq emes, bul tikeleı aýdarma emes, tipti basqa. Muny barlyǵy durys túsinedi. Men basqamyn.
TENGRINEWS: Siz, árıne, kásibı boks taqyrybynda sóılesken qyzyǵyraq dep aıtasyz, biraq siz de bir kezderi bastap kórdińiz ǵoı. Biz máselen taıaýda Tengrinews.kz saıtynda fotoreportaj jasadyq, "Gena sekildi judyryqtas!" dep atalady - sizdiń jeńisterińizdi kórip, kópshilik ata-ananyń óz balalaryn boksqa beretini, tipti eresekterdiń de boks zalyna barý úshin kóp aqsha jumsaıtyny jaıly. Iaǵnı barlyǵy da judyryqtasýǵa qyzyǵady, munyń barlyǵy da qyzyǵýshylyq ekeni túsinikti. Siz bul jetistikti eńbektiń arqasynda keldi deısiz. Biraq eńbek etý úshin qalaı da ózińdi tártipke keltirý kerek qoı. Sizde tártipke keltiretin ne? Múmkin ol kitaptar shyǵar nemese bir rýhanı tájirıbeler shyǵar, ıoga? Ilá Ilın, máselen, etten bas tartqanyn aıtty, sonyń arqasynda jeńýge degen kúsh alady eken. Sizde she?
G. Golovkın:
Jigitterdiń meniń úlgimmen sportpen aınalysyp jatqany qatty qýantady. Maqsat qoıý men oǵan jetý bir másele de, zalǵa baratyndary tipti jaqsy. Tártip degenimiz bireý, ol qajyrly eńbek. Iaǵnı adamnyń múmkindigi kóp dep esepteımin.
TENGRINEWS: Al ustazdaryńyz sizdiń ómirińizde qandaı rol atqardy?
G. Golovkın:
Jaqsy mektep bolǵanyna qýanamyn. Bastapqyda, bala kezimde zalǵa ákelgende, jaqsy maman, úzdik pedagogym boldy - Dmıtrıev Vıktor Konstantınovıch. Biz az ýaqyt jumys istedik, sosyn men Kenjebaev Ǵalym Qalıulyna óttim. Mine, osy mamandar áýesqoı bokstyń negizin qalap berdi. Budan keıin men kásibı boksqa aýystym, ol jaqta tipti basqa jaǵdaılar.
TENGRINEWS: Siz qazir kásibı boks jaıly aıttyńyz. Kásibı boksqa qyzyǵatyn adamdarǵa qyzyq dúnıe jaıly aıttyńyz. Tengrinews.kz saıtynyń aýdıtorıasy keń, sizdiń árbir suhbatyńyz adamdarǵa paıda ákelgenin qalaımyz. Qazir barlyǵy ómir erejesi jaıly oqýdy unatady. Kóp bolmasa da, Gennadıı Golovkınniń bir ǵana ómir erejesin aıtyp berińizshi, basty ustanymyńyz qandaı?
G. Golovkın:
Ómirlik ustanymym - áleýmettik jelilerde pikir aıta bermeý. Bul - keńes.
TENGRINEWS: Baspasóz máslıhaty ótti, tilshilerdiń kózinen suraqtaryna qoıylǵan jaýapty estı almaǵannan kóńil-kúıiniń túskenin baıqadyq...
G. Golovkın:
Suraq bolǵan joq.
TENGRINEWS: Suraq bolmady ma, álde sózdi sarapqa salyp, baǵa bergińiz kelmedi me?
G. Golovkın:
Ol da bar. Kórip otyrsyzdar ǵoı, jabyqpyn. Kóringen máselege qatysty sóıleı bergim kelmeıdi, oǵan ýaqytym da joq, onyń máni de joq.
TENGRINEWS: Múmkin kitabyńyz nemese fılmińiz jaıly aıtarsyz?
G. Golovkın:
Aıtpaımyn. Joq, kitap ta, fılm de. Bul tipti basqa dúnıe. Bul - tárbıe.
TENGRINEWS: Tárbıe ǵoı sonda?
G. Golovkın:
Árıne. Bul ómir salty.
TENGRINEWS: Siz sonda ózińiz jaıly qalyptasqan ımıjdegi kúlip turatyn jigit emessiz ǵoı?
G. Golovkın:
Jaman adammyn degen másele emes, men ózimdi jamanmyn demeımin. Men basqa jigitpin, men týraly oılap alǵan, men týraly qalyptasqan pikirdegi jigit emespin.
TENGRINEWS: Gennadıı Qaraǵandydan shyqqan qaıyrymdy jigit degen pikirge qalaı qaraısyz?
G. Golovkın:
Bul ózi sondaı árdaıym kúlip júretin jigit, biraq keıbireýlerge osylaı kúlip júrýiniń sebebi kóńiliniń árdaıym kóterińki bolatynynan ba, álde bilimsizdiginen be, ol jaǵy túsiniksiz. Olaı emes.
TENGRINEWS: Súıkimdilikten shyǵar?
G. Golovkın:
Olaı emes. Adamdardyń pikiri qalyptasady, adamdar osy saıttarǵa baılanysty birdeńege sene bastaıdy. Sosyn shıelenise túsedi de, olar jekkóre bastaıdy, sosyn qaıtadan unatady, sosyn qaıtadan qurmetteı bastaıdy. Sosyn bireýdiń taǵy bir pıar-kampanıasy bastalady: mine Gennadıı bireý týraly jaman pikir aıtty, mine Gennadıı jaman, sol bireý jaıly jaman pikir aıtty, bireý jaıly aıtpady, ol endi qatal. Al bul tipti de bolmaǵan. Máselen, sizder Alvaresti aıttyńyzdar, Alvarestiń ózi eshteńe aıtpaǵan bolýy da múmkin. Ózi aıtsa, naqty aıtady. Eger vıdeodan aıtyp turǵanymdy kórseńizder, ol naqty bolady - sol kezde ǵana Gennadıı osylaı dedi dep aıtyńyzdar. Al mundaı pıar-júristi kim qoldanady: kimmen sanasatynym, kimmen sanaspaıtynym, mynaý jaqsy bapker, mynaý jaman... Men mundaı baǵany eshqashan eshkimge aıtpaımyn. "Golovkın mynaý promoýshn jaıly jaqsy, al anaý jaıly jaman aıtty"... Men mundaıdy tipti de aıtpaımyn. Óz isimdi bilemin jáne óz isimdi isteımin. Menimen isi bola almaıtyndar, bolmaıdy. Al kimde-kimniń isi bolsa, ıaǵnı belgili bir bilimi bolsa qarym-qatynasy bolady.
TENGRINEWS: Siz "Internette az jazý kerek" degen keńes aıttyńyz. Onda Internette, áleýmettik jelilerde az otyrý kerek shyǵar?
G. Golovkın:
Joq, nege, ýaqyt bolsa otyryńyzdar.
TENGRINEWS: Áleýmettik jeliler zıan dep eseptemeısiz be?
G. Golovkın:
Men tipti bireýler úshin eseptemeımin.
TENGRINEWS: Vıdeońyzdy kórip otyrmyz, aǵylshyn tilin jetik meńgergen sıaqtysyz.
G. Golovkın:
Qajetti deńgeıde meńgeriledi. Men tolyqtaı amerıkalyq bolýdy josparlap otyrǵanym joq, ıaǵnı shekten shyqpaý kerek. Az-kem bilseń - sonyń ózi jetkilikti.
TENGRINEWS: Iaǵnı arnaıy oqymaısyz ba?
G. Golovkın:
Tájirıbe bar, sabaqtar bar. Men tipti basqamyn.
TENGRINEWS: Biz muny túsindik. Baıqaǵanymyz, taıaýda Anglıada boldyńyz, stadıonda suhbat berdińiz, qazaqstandyqtarǵa qaraǵanda, shetel tilshilerine jaıdary qaraıtyn sıaqtysyz ba, qalaı. Álde bizge solaı kórindi me?
G. Golovkın:
Men barlyǵymen óte jaqsy, ádeppen sóılesemin.
TENGRINEWS: Búgin siz bizdegi ózińiz jaıly áserdi buzdyńyz.
G. Golovkın:
Bul obrazdardy, feıkterdi adamdar jasap alǵan. Mine, búgin sizderde jaqsyly-jamandy áser boldy, sizder sony ustanyńyzdar.
Áńgimelesken Iýlıa Mılova men Renat Tashqynbaev.
