بىرەۋلەر ءبىزدىڭ بيلىكتىڭ رەسەيشىلدىگىن ەلباسى ايتقانداي "رەسەيمەن ماڭگىلىك دوستىعىمىزدان" دەپ ەمەس، ماسكەۋگە جالتاقتىعىنان كورىپ ءجۇر. بيلىكتەن باستاپ بارلىق سالادا ماسكەۋگە جاعىمدى ساياسات قالىپتاسقانىنا قاراماستان، قيت ەتسە "قازاقستاننىڭ باسىنا دا ۋكرايناداعىداي قارا بۇلتتى قاپتاتامىز" دەگەن مازمۇندا تۇتاستىعىمىزدى بۇزباق نيەتتە ورىسشىل-فاشيستەر شۋلاپ شىعادى.

ءبىراق، وسى ماسكەۋى دە، سىرتتاعى، ىشتەگى شوۆينيستىك-رەسەيشىلدەر دە ءبىر نارسەنى – تاريحتان ساباق الۋدى ەسكەرمەي ءجۇر. ويتكەنى، بۇرىنعىلارىن بىلاي قويعاندا سوڭعى ءجۇز جىلدا رەسەي ەكى مارتە قازاق ەلىنە قوقان-لوققى جاساپ، ارتىنان جازاسىن تارتقان ەدى. ءبىرىنشىسى، 1916 جىلى قازاقتان سوعىستىڭ قارا جۇمىسىنا ادام الۋ تۋرالى ورىس پاتشاسىنىڭ جارلىعى بوداندىقتاعى قازاق حالقىنىڭ ۇلت-ازاتتىق كوتەرىلىسىنە ۇلاسقانى بەلگىلى. سول قازاققا تيسۋدەن كەيىن كوپ ۇزاماي پاتشالىق رەسەي قۇلاپ، ىدىرادى. بولشيەۆيكتەر ونىڭ 90 پايىزىن قايتا جيناپ كسرو دەگەن ورىس يمپەرياسىن قۇردى. كسرو دەگەن دە 1986 جىلى قازاق ەلىنىڭ بيلىگىنە وبلىستىق دەڭگەيدەگى رەسەيلىك ءبىر ورىستى اكەلىپ قويامىن، دەپ قازاقتىڭ اشۋىنا تاعى ءتيدى. ناتيجەسىندە، كسرو دەگەن يمپەريا دا ىدىراپ تارادى. 

بيىل 2016 – قازاق ۇلت-ازاتتىق كوتەرىلىسىنىڭ 100 جىلدىعى. پۋتلەرلىك رەسەي ەگەر قازاقتىڭ جان اشۋىنا تاعى دا تيەر بولسا نە بولارىن ويلاعانى ءجون. ويلاماسا "ولەر بالا مولاعا قاراپ جۇگىرەدى" دەگەندەي قازاق ەلىنە تيىسسە رەسەي فەدەراسياسى بىرنەشە جىلدا ىدىراپ قۇريتىنىن ۇمىتپاعاندارى ءجون...

امانعالي ءابۋوۆتىڭ «فەيسبۋكتەگى» پاراقشاسىنان الىندى.