قازاقستاندىقتار بويجەتكەندەر كۇن كورىس قامى ءۇشىن باسشىنىڭ وڭ قولى بولىپ قانا قويماي، ءتىپتى ونىڭ كوڭىلدەسى بولۋعا اشىقتان-اشىق كەلىسۋگە ءازىر، - دەپ حابارلايدى «قامشى» پورتالى korrespondent.kz – كە سىلتەمە جاساپ.

ءتىپتى ولار ونداي قىزمەتى ءۇشىن قانشا جالاقىسى العىسى كەلەتىنىن دە جاسىرماعان. عالامتوردا جۇمىس ىزدەپ كەلگەن قىزدارمەن بولعان الدىن الا اڭگەمەلەسۋ بارىسىنىڭ ۆيدەوسى پايدا بولدى. وندا ايەل ازاماتى جۇمىس ىزدەپ كەلگەن جاستارمەن جەكە سويلەسىپ، 50 جاستان اسقان باسشىسىنا كومەكشى قاجەت ەكەنىن جانە ول قىزمەتكەر باسشىمەن بىرگە ءىسساپارلارعا شىعىپ، ءتىپتى كوڭىلدەسى بولۋ كەرەكتىگىن ايتادى. ال جالاقىنى جۇمىس ىزدەپ كەلۋشىنىڭ ءوزى بەلگىلەۋىن سۇرايدى.

ءبىر قىزىعى، قىزداردىڭ كەيبىرى ءوز قىزمەتىنە 250-300 مىڭ تەڭگە جالاقى جەتكىلىكتى دەپ سانايدى ەكەن. اڭگىمەلەسۋگە تەك قىزدار قاتىسپاعان. جىگىتتەر قاۋىمى ءوز ارىن جوعارى قوياتىن بولىپ شىعادى. جۇمىس ىزدەپ كەلگەن جىگىت باسشىنىڭ كوڭىلدەسى بولۋدان ۇزىلدى-كەسىلدى قارسى بولعان. ءتىپتى ول جۇمىس ۇسىنۋشى تاراپتىڭ  ميلليون تەڭگە كولەمىندەگى جالاقى مەن پاتەر، كولىك بەرەمىز دەگەن ۇسىنىسىنان دا باس تارتقان.

ۆيدەونى جۇكتەگەندەردىڭ مالىمەتىنشە، ولار قازاقستاندىق جاستاردىڭ باسشىلارىمەن ينتيمدىك قاتىناسقا دەگەن كوزقاراستارىن ءبىلۋ ماقساتىندا الەۋمەتتىك ەكسپەريمەنت جاساپ كورىپتى. ناتيجەسىندە اڭگىمەلەسۋگە كەلگەن 25 جاستىڭ 60 پايىزى جۇمىس بەرۋشى تاراپتىڭ تالابىمەن كەلىسكەن.